- Loading...
दुवै हात नभएकी म्याग्दीकी पवित्राले ल्याईन एसईईमा ३.१२ जीपिए
- पुनहिल डट कम
- २ महिना अघि
- ८७२ पटक पढिएको
![Screenshot 2024-06-28 103846 दुवै हात नभएकी म्याग्दीकी पवित्राले ल्याईन एसईईमा ३.१२ जीपिए](https://www.punhill.com/wp-content/uploads/Screenshot-2024-06-28-103846.jpg)
म्याग्दीकाे अन्नपूर्ण गाउँपालिका, ४ नारच्याङकी दुवै हात नभएकी पवित्रा बिकले विहीबार प्रकाशित एसईईको नतीजा अनुसार ३.१२ जीपिए ल्याएर उत्तीर्ण भएकाे पाेखराबाट प्रकाशित ढाेरपाटन अनलाइन संकरणमा समाचार प्रकाशित छ । पवित्रा रामबजारस्थित एस ओ एस हर्मन माइनर स्कुलबाट परीक्षामा सहभागी भएकी थिइन ।
पोखराको फलेपाटनस्थित सिद्ध मावि परीक्षा केन्द्रमा विद्यालयले उपलब्ध गराएको सहयोगीको भरमा पवित्राले परीक्षा दिएकी थिइन । ९ कक्षामा पढ्ने सहयोगी बिभूती पाण्डेले उनलाई सहयोग गरेकी थिइन ।
पवित्राले अव अंग्रेजी विषय लिएर शिक्षा संकाय पढ्ने बताइन । तर परिवारको आर्थिक अवस्था नाजुक छ । उनी अहिले एक चर्चमा आवद्ध भएकी छन । उसले ११ र १२ कक्षा उत्तीर्णपछि कोरिया लैजाने भनेकाले शिक्षा विषय रोजेकी हुन । आमा कृष्णाका अनुसार पवित्रालाई कोरियन भाषा पनि पढाउने योजना छ । ‘अव कसरी पढाईलाई निरन्तरता दिने भन्ने विषयमा एस ओ एस स्कुलमै गएर सरहरुसंग छलफल गर्छु’ कृष्णाले भनिन्, ‘बाउले हेर्दैनन । मसंग छोरीलाई पढाउने उपाय केही छैन ।’
एस ओ एस हर्मन माइनर स्कुलका प्रधानाध्यापक चुडामणी सुवेदीले पवित्रको आगामी पढाईका विषयमा परिवारसंग बसेर छलफल गर्ने बताए । एस ओ एस बालग्रामको फ्याम्ली सपोर्ट कार्यक्रम मार्फत पवित्राको पढाईलाई सहयोग गर्ने योजना रहेको उनले सुनाए । हालसम्म पवित्राले उक्त स्कुलमा निशुल्क अध्ययन गर्दै आएकी थिइन ।
पवित्राको देब्रे हातै छैन । कुहिनासम्म ठिकै रहेको र त्यसपछि एउटा सानो औलामात्रै बनेर निस्किएको छ दाहिने हात पनि । त्यसबाहेक अरु शारीरिकरुपमा उनि दुरुस्त छिन । हात नभए पनि उनले खुट्टाको औंलाको सहायताले कलम च्यापेर लेखेर अहिले एसईई उत्तीर्णसम्मको अवस्थामा आएकी हुन । खुट्टाले पेन्सिल तिखार्दै र कापी कितावका पानी फर्काउँदै उनले पढिन र लेखिन । स्कुलले बसेर खुट्टाले लेख्न मिल्ने गरी टेबुलको व्यवस्था मिलाएको थियो । बाबुआमाको बेमेलबीच पनि उनले हिम्मत हारिनन् । र अहिले यो अवस्थासम्म आइपुगिन । उनले एकाधबाहेक सबै काम खुट्टाले गर्छिन । उनले देब्रे खुट्टाको बुढी र माइली औलाले कलम च्यापेर लेख्छिन् । एसओएस बालग्राम गण्डकीले रोटरी क्लब अफ अन्नपूर्णसंगको सहकार्यमा उनलाई निशुल्क पठनपाठनको व्यवस्था मिलाएको हो ।
रोटरीले आमा कृष्णालाई सिलाइकटाइको तालिमसंगै मेशिन पनि दिएको थियो । तर त्यसले धानिन गाह्रो भएपछि केहीसमय उनी विदेशिएकी थिइन । दुवै हात नभएपछि कृष्णा छोरीको भविष्यका लागि भन्दै पोखरा आएकी थिईन । गाउँमा स्कुल टाढा रहेको र खुट्टाले लेख्नुपर्ने भएपछि उनी पोखरा आएकी हुन । दिदीको घरमा बस्ने बेला हात नभएकी बालिका भनेर सार्वजनिक भएपछि रामबजारका निरज थापाले सुरुमा थाहा पाएपछि एसओएसमा पढाउन लगिएको हो । पोखराको हेरालो प्रतिष्ठानले पनि उनको पढाईमा सहयोग गर्दै आएको थियो ।
![विभिन्न अवस्थाकाे फुच्चे गुराँस तस्विरमा हेराैं](https://www.punhill.com/wp-content/uploads/IMG_4023-1-500x350.jpg)
विभिन्न अवस्थाकाे फुच्चे गुराँस तस्विरमा हेराैं
![खयर समेत म्याग्दीका वराही शक्तिपीठमा भक्तजनको भीड](https://www.punhill.com/wp-content/uploads/IMG_0281-500x350.jpg)
खयर समेत म्याग्दीका वराही शक्तिपीठमा भक्तजनको भीड
![वराह/वराही क्षेत्रका चरनखर्कमा भेडा ब्यापारकाे राैनक](https://www.punhill.com/wp-content/uploads/IMG_0196-500x350.jpg)
वराह/वराही क्षेत्रका चरनखर्कमा भेडा ब्यापारकाे राैनक
![हिमालमुनी मुस्कुराएकाे मनसुन सौन्दर्य](https://www.punhill.com/wp-content/uploads/IMG_0427-500x350.jpg)
हिमालमुनी मुस्कुराएकाे मनसुन सौन्दर्य
![म्याग्दीखाेलामा ‘भू–तापीय पानीकाे’ अर्थतन्त्र](https://www.punhill.com/wp-content/uploads/singa-tatopani-072-chitra-12-1-500x350.jpg)
म्याग्दीखाेलामा ‘भू–तापीय पानीकाे’ अर्थतन्त्र
![यसरी पग्लदैछ धौलागिरी ग्लेसियर, अनि पञ्चकुण्ड हिमताल](https://www.punhill.com/wp-content/uploads/Dhaulagari-base-camp-3-500x350.jpg)
यसरी पग्लदैछ धौलागिरी ग्लेसियर, अनि पञ्चकुण्ड हिमताल
![धौलागिरी फेदीका वनमा पनि भेटियाे नेपाली फुच्चे गुराँस](https://www.punhill.com/wp-content/uploads/IMG_7769-500x350.jpg)
धौलागिरी फेदीका वनमा पनि भेटियाे नेपाली फुच्चे गुराँस
![हिमाली जंगल निलाे गुराँसले रंगियाे](https://www.punhill.com/wp-content/uploads/IMG_8158-500x350.jpg)
हिमाली जंगल निलाे गुराँसले रंगियाे
![बेनीकाे लभ्लीहिलबाट देखिने सुन्दर सूर्यास्तक](https://www.punhill.com/wp-content/uploads/IMG_7453-500x350.jpg)
बेनीकाे लभ्लीहिलबाट देखिने सुन्दर सूर्यास्तक
![ठाउँ छ है मनैखानी, जाउँ हिंड घुम्नलाइ पुनहिल-घाेरेपानी](https://www.punhill.com/wp-content/uploads/IMG_6909-500x350.jpg)
ठाउँ छ है मनैखानी, जाउँ हिंड घुम्नलाइ पुनहिल-घाेरेपानी
![ओ ! सुनगाभा](https://www.punhill.com/wp-content/uploads/DSC01714-500x350.jpg)
ओ ! सुनगाभा
![लाेपाेन्मुख अवस्थामा प्रकृतिका कुचिकार](https://www.punhill.com/wp-content/uploads/2024/03/DSC01952-500x350.jpg)