आगोलागीबाट १३ लाख क्षति

बेनी नगरपालिका, ८ बेनीबजारको न्यूरोड स्थित मिलन विकको घरमा आगोलागीहुँदा अनुमानित १२ लाख ८५ हजारबराबरको धनमाल क्षति भएको प्रहरीले जनाएको छ ।

शुक्रवार विहान ८ बजे चार तल्ले घरको छतमा रहेको ब्लक र जस्ता पाताले छाएका किचनसहित वेड रुममा आगोलागीहुँदा घरधनी विकको लत्ताकपडा, गहना, नगदसहित महत्वपूर्ण कागजात पूर्णरुपमा जलेर नष्ट भएको हो ।

राष्ट्रिय बाणिज्य बैंक र धौलागिरी वचत तथा ऋण सहकारीसँग जोडिएको घरधनी विकका अनुसार आगोलागीबाट नगद २ लाख ७० हजारसहित गरगहना, लत्ताकपडा र भाँडाकुँडा जलेर नष्ट भएको छ । प्रहरीले १२ लाख ८५ हजार बराबरको क्षति पुगेको आँकडा संकलन गरेको छ ।

जिल्ला प्रहरी प्रमुख वीरबहादुर बुढाका अनुसार भान्सा कोठाबाट विधुत सर्ट भै आगोलागी भएको प्रारम्भीक अनुमान छ । परिवार बेड रुममा रहेको बेला घरको छतबाट आगोको मुस्लो निक्लेको बल्न घरबेटीले बल्न थाहा पाएका थिए । दमकल, प्रहरी, शसस्त्र प्रहरी र स्थानीयको सहयोगमा आगो नियन्त्रण गरिएको हो ।