पर्वतको दुर्लुङ पहिरो -अपडेट ३ जनाको शब भेटियो, ६ जना बेपत्ता , आधा दर्जन घर बिस्थापित

पर्वतको कुस्मा नगरपापिलका वडा नं ३ दुर्लुङको ढकालबारी भन्ने ठाउँमा शनिबार साँझ पहिरोमा पुरिएका परि ३ जनाको शब भेटिएको छ । सााँझ करिब २ घण्टा सम्म परेको मुसलधारे बर्षापछि आएको पहिरोमा पुरिएका अन्दाजी ६० बर्षिय तुलबहादुर थापा, उहाँकी श्रीमती र नातिनीको शब फेला परेको हो ।
स्थानियबासी र सुरक्षाकर्मीले खोजी गर्ने क्रममा तीन जनाको शब फेला परेको जिल्ला प्रहरी कार्यालय पर्वतका प्रहरी निरीक्षक बुद्धि सुबेदीले जानकारी दिए । पहिरोमा तुलबहादुर थापाको परिवारका थप ३ जना स्थानिय कमला बिकको परिवारका पनि ३ जना हराइरहेका छन । उनीहरुको खोजी कार्य भैरहेको प्रहरी निरीक्षक सुबेदीले जानकारी दिनुभयो । खुट्टा डुब्ने हिलो र अध्याँरो रात भएकाले खोजी कार्यमा कठिनाई भएको उहाँले बताए ।।
कुस्मा नगरपालिका वडा न ३ का वडा अध्यक्ष तेजप्रसाद पाध्याका अनुसार साँझ ६ बजे देखि झण्डै दुई घण्टा आएको मुसलधारे पानी पछि पहिरो गएको हो । बर्षाका कारण गाउँमा धेरै क्षति भएको र थप बर्षा भएमा पहिरो नजिकका आधा दर्जन घर जोखिममा छन ।