नेकपा म्याग्दीद्धारा जिल्ला विपद कोषमा २ लाख ५७ सहयोग

कोरना भाईरस (कोभिढ–१९) संक्रमण रोकथाम तथा नियन्त्रण गर्न प्रमुख जिल्ला अधिकारी (सिडिओ)को अध्यक्षतामा गठित जिल्ला विपद ब्यवस्थापन कोषमा नेकपा म्याग्दीले दुई लाख ७५ हजार ८ सय ३३ रुपैयाँ सहयोग जम्मा गरेको छ ।

शुक्रवार नेपाल वैंकमा रहेको विपद ब्यवस्थापन कोषको खातामा उक्त रकम सचिव हरिकृष्ण श्रेष्ठ मार्फत नेकपा जिल्लाले रकम जम्मा गरेको हो ।

कोरना भाईरस (कोभिड–१९)को संक्रमण महामारीबाट सृजित विशेष परिस्थितीमा मजदुर तथा निम्न बर्गका प्रभावित जनतालाई राहत पुर्‍याउन जिल्ला कमिटिका पदाधिकारी र मातहत कार्यकर्ताबाट संकलित उक्त सहयोग रकम कोषमा जम्मा गरिएको नेकपा म्याग्दीले जनाएको छ ।

‘विश्वभर महामारीको रुपमा फैलिएको कोरना भाईरस रोकथाम तथा नियन्त्रण गर्न संसारका अन्य देशले झै नेपाल सरकारले पनि लकडाउनको उपाय अवलम्बन गर्दा उत्पन्न असहज परिस्थितीले सवै क्षेत्र प्रभावित भएको छ । अझबढी निम्न बर्गका दैनिक ज्यालादारी गर्ने मजदुर र निम्नबर्ग बढी प्रभावित भएको छ । त्यसैले जिल्ला विपद ब्यवस्थापन कोष मार्फत सहयोग ति समुदायसम्म राहत पुर्‍याउन प्रयास गरेका हौं’ नेकपा म्याग्दीका सचिव हरीकृष्ण श्रेष्ठले भने, ‘मानवजातीमाथी आईपरेको स्वास्थ्य संकटको सवै मिलेर सामना गर्नु आवश्यक छ ।’