कोरनाबाट मृत्यु हुनेको संख्या १ लाख नाघ्यो, १७ लाख संक्रमित

विश्वभर कोरनाबाट मृत्यु हुनेको संख्या १ लाख २ हजार ७ सय ३४ पुगेको छ । विश्वभर कोरोना संक्रमितको  संख्या १६ लाख ९९ हअजार ६ सय ३२ पुगेको कोरना नेपालले तथ्याङ्ग सार्वजनिक गरेको छ ।
विविसीका अनुसार पछिल्लो २४ घन्टामा अमेरिकाममा मात्र  २,१०८ जनाको मृत्यु भएको छ भने सङ्क्रमितको सङ्ख्या पाँच लाख नाघेको छ । अमेरिकाले छिट्टै कोरोनाभाइरस सङ्क्रमणको कारण सबैभन्दा बढी नागरिक गुमाउने सूचीमा इटलीलाई जित्ने देखिएको छ। कोरनाको कारण हालसम्म इटलीमा १८ हजार ८ सय ४९ जना, अमेरिकामा १८ हजार ६ सय ३८ जना, स्पेनमा १६ हजार ८१ जना र फ्रान्समा १३ हजार २ सय १५ जनाको मृत्यु भएको छ ।
त्यसैगरी दक्षिणको छिमेकी भारतमा कारोना भाइरसका कारण ज्यान जानेको संख्या २३९ पुगेको छ । पछिल्लो २४ घण्टामा भारतमा कोरोनाले ४० जनाको ज्यान भएको बीबीसीले जनाएको छ । भारतमा ७ हजार ४७७ जनामा कोरोनाको संक्रमण देखिएको छ । सबैभन्दा धेरै कोरोना संक्रमण महाराष्ट्रमा एक हजार ३६४मा देखिएको छ ।
विश्वभर पछिल्लो २४ घण्टामा कोरोना भाइरस (कोभिड–१९) का ९४ हजार १०८ संक्रमित थपिएका छन् । यसमा अधिक संख्या अमेरिमा छ । अमेरिकामा मात्रै ३३ हजार ७५२ कोरोनाका नयाँ संक्रमितको पहिचान भएको छ ।
फ्रान्समा ७ हजार १२०, स्पेनमा ५ हजार ५१, इटलीमा ३ हजार ९५१ तथा जर्मनीमा ३ हजार ९३६ कोरोना संक्रमित पछिल्लो २४ घण्टामा थपिएका छन् ।  बेलायतमा ८ हजार ६८१, टर्कीमा ४ हजार ७४७ कोरोनाका नयाँ संक्रमितको पहिचान भएको छ ।