स्थानीय तहलाई राष्ट्रपति शिल्डको चटारो

जिल्लाका सवै स्थानीय तहलाई विद्यालय स्तरीय खेल महोत्सव मानिएको राष्ट्रपति रनिङ शिल्ड प्रतियोगिता सकाउने चटारो छ ।
मंगला र रघुगंगा गाउँपालिकाले आगामी फागुन १ गते, बेनी नगरपालिकाले फागुन २ गते र अन्नपूर्ण गाउँपालिकाले फागुन ४ गतेदेखी आ–आफ्ना गाउँ/नगरपालिकामा अन्तर माध्यामिक विद्यालय स्तरिय दोस्रो राष्ट्रपति रनिङ शिल्ड प्रतियोगिता आयोजना गर्दे छन ।
जिल्ला समवन्यय समितिका संयोजकत्वमा अगामी फागुन ८–११ गतेसम्म बेनीमा जिल्ला स्तरीय राष्ट्रपति शिल्ड प्रतियोगिता आयोजना गर्ने मितीतय भएपछि गाउँ/नगरपालिकालाई हतारमा प्रतियोगिा सम्पन्न गरी सहभागी विद्यार्थी छनौट गर्नु पर्ने चटारो परेको हो ।
‘जिल्ला स्तरीय राष्ट्रपति रनिङ शिल्ड प्रतियोगिताको मिती तय भैसकेको अवस्थामा स्थानीय तहलाई तत्काल प्रतियोगिता गर्नु पर्ने बाध्यता छ । सामान्यतयाः सवै विद्यालयले प्रतियोगिताको तयारी गरेका छन’ बेनीनगरपालिकाका खेलकुद संयोजक समेत रहेका जिल्ला खेलकुद विकास समतिका अध्यक्ष कृष्णकुमार विकले भने, ‘राष्ट्रपति खेल प्रतियोगिताले म्याग्दीबाट अरुण शाही, कमला पुन समेत राष्ट्रिय खेलाडी उत्पादनमा योगदान छ ।’
मंगला गापाले अर्मनको पिपलवोटमा, रघुगंगा गापाले रघुगंगा मावि पिप्लेमा, अन्नपूर्ण गापाले शिख मावि शिखमा र बेनी नगरपालिकाले बेनी खुल्लामञ्च, कालीपुल कवर्ड हल र बगरफाँट स्थित सरस्वती प्राविमा प्रतियोगिता संञ्चालन गर्ने जनाएका छन ।
मालिका गाउँपालिकामा दोस्रो राष्ट्रपति शिल्ड प्रतियोगिता जारी छ । दुर्गम धौलागिरी गाउँपालिकाले भने गत पुसको कठ्याङ्ग्रीने जाडो मै प्रतियोगिता सम्पन्न गरेको छ ।
राष्ट्रपति खेल प्रतियोगितामा सवै स्थानीय तहले छात्र/छात्रा तर्फको भलिवल, एथलेटिक्स र कवड्डी खेल विधाका १५ खेलमा प्रर्तियोगिता गराएका छन/गराउने भएका छन । बेनी नगरपालिका दोस्रो राष्ट्रपति शिल्ड प्रतियोगितामा भने भलिवल, कवड्डी, एथलेटिक्सबाहेक ते क्वाण्डो, कराँते र उसु खेललाई समेत समावेश गर्ने भएको छ ।
अङ्ढको आधारमा शिल्ड जित्ने भएकोले ते क्वाण्डो, कराँते र उसु तर्फका खेलले जिल्ला स्तिरिय राष्ट्रपति शिल्ड प्रतियोगितामा सदरमुकाम बाहिरका विद्यालयलाई शिल्ड हात पार्न मुस्किलि बनाउने छ । सदरमुकाम बाहिर यी खेल विद्यामा प्रतियोगिता नभएको र विद्यार्थी सहभागी नहुने भएकोले उनीहरुले स्वतः अङ्ढबाट वन्चित हुने छन ।