सुरक्षित गर्भपतनसँगै छिप्छ अपराध

गर्भपतनमध्ये नौ साताभित्रको गर्भ बढी र बाँकीले १२ साताभित्रको गर्भपतन गराएका हुन् । जिल्ला अस्पतालबाहेक, दरवाङ प्राथमिक स्वास्थय केन्द्र, ताकम, लुलाङ, अर्मन, ज्यामरुककोट, भकिम्ली, शिख, भू–तातोपानी, भगवती, पिप्ले, पाखापानी, सिंगासमेत १३ स्वास्थ्यचौकीमा सुरक्षित गर्भपतन र सुत्केरी सेवा दुवै उपलब्ध छ । जिल्ला अस्पताल बेनीबाट गर्भपतन एवं सुत्केरी सेवा लिन पर्वतको धाइरिङ, शालिजा, लेखफाँट, बाँसखर्क र माझफाँटबाट पनि आउँछन् । ‘दुर्गम भेगका स्वास्थ्यचौकीमा समेत गर्भपतन गर्ने संख्या धेरै छ,’ संयोजक रविना पुनले भनिन, ‘वैदेशिक रोजगारीबाट फर्केपछि तत्काल गर्भ निरोधक साधनको प्रयोग नहुनु समस्या हो । यौन स्वच्छन्दता र नियोजनका साधन प्रयोगमा लापरबाही पनि बढी छ ।’