खेलकुद विकास समितिको अध्यक्षमा सुमन श्रेष्ठ नियुक्त

जिल्ला खेलकुद विकास समिति म्याग्दीको अध्यक्षमा सुमन श्रेष्ठ मनोनित भएका छन ।
गण्डकी प्रदेश खेलकुद परिषदले चैत १७ गतेको निर्णयबाट बेनीका तरुण नेता तथा ब्यवसायी सुमन श्रेष्ठलाई जिल्ला खेलकुद विकास समिति म्याग्दीको अध्यक्ष नियुक्त गरेको हो । यस अघि युवा नेता दिनेश केसी अध्यक्ष थिए ।
समितिको उपाध्यक्षमा विष्णुकुमारी राेका मगर, सचिवमा कुमार किसान र काेषाध्यक्षमा नरेश पुन मनाेनित भएका छन । अन्य सदस्यहरु अध्यक्षले पछि मनोनित गर्ने परम्परा छ । खेलकुद विकास समितिको अध्यक्षमा राजनितिक नियुक्ती गर्ने चलन छ । यसपटक काँग्रेसले खेलकुद विकास समिति अध्यक्ष र काेषाध्यक्ष तथा एमालेले उपाध्यक्ष, सचिव बाँडेका हुन ।