चुत्रेनीमा टिपरले ठक्कर दिंदा बरंजाका राेकाकाे मृत्यु

बेनी नगरपालिका, ६ चुत्रेतीमा टिपरको ठक्कर दिँदा मोटरसाईकल चालकको उपचारक्रममा मृत्यु भएको छ ।
शनिवार राती ८.३० बजे भएको दुर्घटनाका दुर्घटनामा घाईते मोटरसाईकल चालक मंगला गाउँपालिका, ३ का थमबहादुर रोका (४६)को मेडिकल कलेज पोखरा उपचारक्रममा मृत्यु भएको जिल्ला प्रहरी कार्यालय बेनीले जनाएको छ । राेका बेनी बगरफाँट स्थित बुद्ध एकेडेमीका प्रिन्सिपल थिए ।
दुर्घटनामा घाईते मोटरसाईकलको पछाडी सवार बेनी नगरपालिका, ७ मंगलाघाट वस्ने प्रेम शाहीको पोखरा स्थित मणीपाल शिक्षण अस्पतालमा उपचार भैरहेको छ । घाईतहरुलाई स्थानीयले उद्धारगरी बेनी अस्पताल पुर्‍याएका थिए । बेनीमा थप उपचार संभव नभएपछि घाईतेहरुलाई थप उपचारकालागी राती नै पोखरा पुर्‍याईएको थियो ।
बेनी नपा, ४ तातोपानीबाट बेनी तर्फ आउँदै गरेको ध ७ प ४००५ नम्बरको मोटरसाईकललाई बेनीबाट तातोपानी तर्फ जाँदै गरेको ग १ क ५७३५ नम्बरको टिपरले चुत्रेनीमा ठक्कर दिएको थियो । प्रहरी निरिक्षक सागर पौडेलका अनुसार टिपर चालक बेनी नपा, ५ का खिमे दर्जीलाई पक्राउ गरी अनुसन्धान सुरु भएको छ ।