भलिवलमा बेनी र अन्नपूर्ण पहिलो

अाठाैं म्याग्दी महाेत्सव तथा माघे संक्रान्ति मेला ०८१ काे अवसरमा सदरमुकाम बेनीमा सम्पन्न पालिका स्तरिय पुरुष तथा महिला भलिवल प्रतियोगितामा बेनी नगरपालिका र अन्नपूर्ण गाउँपालिका पहिलो भएका छन ।
मंगलावर सम्पन्न पुरुष भलिवलको फाईनल खेलमा बेनी नगरपालिकाले मालिका गाउँपालिलाई ३–१ सेटमा पराजित गरी उपाधी चुमेको हो । प्रतियोगितामा बेनी नगरपालिकाले २५–२३, ३०–२८, १६–२५ र तेस्रो सेट २५–१६ सेटमा मालिका गाउँपालिकालाई दोस्रो स्थानमा सीमित गरेको थियो ।

त्यसैगरी महिला भलिवलमा अन्नपूर्ण गाउँपालिकाले मंगला गाउँपालिकालाई ३–१ सेटमा पराजितगरी महिला भलिवलमा पहिलो भएको छ । प्रतियोगितामा अन्नपूर्ण गापाले मंगला गापा विरुद्ध २५–२२, २२–२५, २५–२० र २५–१६ सेट जित निकालेको थियो ।

प्रतियोगितामा पहिलो हुने पुरुष भलिवल टिमले १ लाख ५१ हजार नगदसहित ट्रफी, मेडल र प्रमाणपत्र, दोस्रो हुने टिमले ७५ हजार नगदसहित ट्रफी, मेडल र प्रमाणपत्र हात पारेका छन ।
महिला भलिवल तर्फ पहिलो हुने टिमले ७१ हजार नदगरसहित ट्रफी, मेडल र प्रमाणपत्र, दोस्रो हुने टिमले ४० हजार नगदसहित ट्रफी, मेडल र प्रमाणपत्र हात पारे ।