भारतीय दुतावासको अनुदानमा निर्मित भवन म्याग्दी क्याम्पसलाई हस्तान्त्रण

नेपाल स्थित भारतीय राजदुतावासकाे आर्थिक अनुदानमा १२ बर्ष अघि निर्मित ३ वटा भवन साेमबार एक समाराेह विच म्याग्दी क्याम्पसलाइ हस्तान्त्रणा भएको छ ।
भारतीय दुतावसको आर्थिक अनुदानमा म्याग्दी बहुमुखी क्याम्पसमा निर्मित ८/८ वटा कोठा भएका तीन वटा भवनहरु सोमबार दुतावासका कन्सुलर अविनासकुमार सिंह र जिल्ला समन्वय समिति म्याग्दीका प्रमुख राजकुमार थाफाले सोमबार एक कार्यक्रम विच संयुत्त हस्तान्त्रण गरे ।
भवन बनाउन तत्कालिन समयमा दुतावासले लागत इष्टिमेट अनुसारको २ करोड ७९ लाख अनुदान दिएको हो । भारतीय दुतावासको अनुदानमा ठेक्का मार्फत भवन निर्माण भएपनि नियमानुसार लाग्ने १३ प्रतिशत भ्याट रकम वापत हुने ३९ लाख रुपैयाँ भने साविकको जिल्ला विकास समितिले ब्यहोरेको थियो । सदरमुकाम बेनीमा सामुदायीक प्रयासमा ३३ बर्षदेखी संञ्चालित म्याग्दी बहुमुखी क्याम्पसमा अाव ०६७ बाट निर्माणा सुरू गरी ०६९ सालमा यी भवन निर्माणा पुरा भएका थिए ।

क्याम्पसका तत्कालिन क्याम्पस प्रमुख तथा भवन निर्माण संयोजक प्रध्यापक रामजी सुवेदीका दुतावसको आर्थिक अनुदानमा निर्मित दुई वटा भवनमा स्नातक तथा स्नाकोत्तर तहका मानविकी, शिक्षा र ब्यवस्थापन संकायका कक्षा संञ्चालन गरिएको छ । छुट्टै ८ कोठे अर्को भवनमा छात्राबास (गर्ल्स होस्टेल) संञ्चालन गरिएको छ । भवनहरूकाे ठेक्का लाग्दा २५ वटा कम्प्युटरसहितकाे एक कम्प्युटर ल्याव समेत बनाउने सर्त भएपनी ठेकेदारले २५ थान कम्प्युटर टेवुल दिएर ल्याव नबनाइ छाेडेकाे तत्कालिन क्याम्पस प्रमुख सुवेदीले बताए ।

सामुदायीक प्रयासमा ०४८ सालमा मानविकी तथा सामाजिकशास्त्र अर्न्तगत प्रविणता प्रमाणपत्र तहबाट पढाई सुरु गरेको म्याग्दी क्याम्पसमा हाल ब्यवस्थापन तर्फ स्नाकोत्तर तहका एमविएस (मास्टर अफ विजनेस स्टडिज) र शिक्षाशास्त्र तर्फ एम.एड र स्नातक तहमा विज्ञान र सूचना तथा प्रविधी शिक्षा (विआईसिटिइ) विषयमा पढाई हुने गरेको छ । क्याम्पसले छुट्टै कक्षा ११ र १२ तह पनि संञ्चालन गरेको छ ।

क्याम्पस प्रमुख श्रीधर सुवेदीका अनुसार जिल्लामै गुणस्तरीय उच्च शिक्षा प्राप्त भएपनि क्याम्पसमा बर्षेनी विद्यार्थी संख्या भने कम हुँदै गएको छ । जिल्लाको अग्रेणी र एक मात्र उच्च शिक्षा दिने शैक्षिक संस्था म्याग्दी क्याम्पसमा हाल स्नातक तथा स्नाकोत्तरतहमा गरी ८ सय ९७ जना विद्यार्थी अध्ययनरत छन । अधययनरत विद्यार्थी मध्य ७० प्रतिशत भने छात्रा हुन । क्याम्पसबाट शैक्षिक नतिजा प्राप्तीमा ३६.६ प्रतिशत उत्तिर्ण दर रहेको क्याम्पसले दावी गरेको छ ।
क्याम्पसका अनुसार स्नातक तर्फ २८ दशमलव १३ प्रतिशत, सेमिष्टर विआइसिटी तर्फ ३८ दशमलव ४६ प्रतिशत, सेमिष्टर एमविएस तर्फ ४३ दशमलव ५५ प्रतिशत र समग्रमा २९ दशमलव ६५ प्रतिशत उत्तिर्ण प्रतिशत रहेको छ । क्याम्पसले अध्ययनरत स्नातक तथा स्नाकोत्तर तहमा पनि विद्याथीर्को कक्षा छोड्ने (ड्रप आउट) गरी विदेश पलायन हुने समस्या झेल्दै आएको छ ।