आइतवार पहिलो हिउँदे बर्षाको संभावना

आगामी आईतवार/सोमबारमा यो वर्षको पहिलो हिउँदे वर्षाको संभावना देखिएको छ ।
पश्चिमी वायु र स्थानीय वायुको प्रभावले गण्डकी पश्चिमका भागमा हल्का बर्षा हिमाली क्षेत्रमा हल्का हिमपातको संभावना छ । सुदुरपश्चिम र कर्णाली प्रदेशमा सोमबार राम्रो हिमपातको समेत संभावना देखिएको मौषमििवद्हरुले जनाएका छन ।
जल तथा मौषम विज्ञान मौषम पूर्वानुमान महाशाखाका अनुसार शुक्रवार पूर्व कोसी, लुम्बिनी र गण्डकी प्रदेशमा आंशिक बदली रही शनिवार कोशी, बाग्मती, लुम्बिनी, गण्डकी प्रदेश र सुदुरपश्चिम क्षेत्रमा हल्का वर्षको अनुमान गरेको छ ।