अन्नपूर्णको राष्ट्रपति रनिङ्ग शिल्ड ज्ञानप्रकाश माविले जित्याे

म्याग्दीको अन्नपूर्ण गाउँपालिका स्तरीय अन्तर विद्यालय, पाँचौ राष्ट्रपति रनिङ्ग शिल्ड ज्ञान प्रकाश मावि दानाले जितेको छ ।
पोखरेबगरमा बुधवार सम्पन्न प्रतियोगितामा १० स्वर्ण, ४ रजत र ३ कास्य पदक प्राप्त गरेर ज्ञान प्रकाश मावि दानाले उपाधी चुमेको हो ।
त्यसैगरि प्रतियोगितामा १० स्वर्ण, २ रजत र ७ कास्य पदक सहित मुक्तिमार्ग मावि घार दाेस्रे र ३ स्वर्ण, ४ रजत, ६ कास्य पदक सहित प्रभा मावि नारच्याङ तेस्राे भएका छन । प्रतियाेगितामा पहिलाे हुने ज्ञान प्रकाश माविले २ रजत पदक अन्तरले दाेस्राे स्थानमा सीमित गरिदिएकाे हाे ।
प्रतियोगितामा उपाधी बिजेता विद्यालयले नगद ५० हजारसहित रनिङ शिल्ड, ट्रफि, मेडल र प्रमाण प्राप्त गरेके छ । त्यस्तै देस्रे र तेस्रे हुने क्रमश ः ३० हजार र २० हजार नगदसहित ट्रफि, मेडल र प्रमाणपत्र प्राप्त गरे । प्रतियोगितामा ११ वटा विद्यालयका ३ सय बढी विद्यार्थीले भलिबल, कबड्डी र एथलेटिक्स विद्यातर्फ विभिन्न २९ इभेन्टमा खेल प्रतिस्पर्धा गरेका थिए ।