बाबियाचाैरबाट ठूलो परिमाणकाे लागूऔषध सहित युवति पक्राउ

मंगला गाउँपालिका– २ की २३ बर्षिया पूर्णा विकलाई ठूलो परिमाणको लागू औषध सहित पक्राउ गरिएको जिल्ला प्रहरी कार्यालय म्याग्दीले जनाएको छ ।
गण्डकी प्रदेश प्रहरी कार्यालयको आगू औषध ब्यूरोबाट प्राप्त सूचनाको आधारमा घर खानतलासी गर्दा बिकको घरको आँटी तलामा चामलको खाली बोरामा कालो प्लाष्टिकभित्र लुकाई राखेको १ हजार १ सय ९३ एम्पुल लागूऔषध फेला पारिएको हाे ।
जिल्ला प्रहरी कार्यालयका सूचना अधिकारी प्रहरी निरिक्षक सागर पौडेलका अनुसार बिकको घरबाट ३९८ एम्पुल डाइजापाम, ३९७ एम्पुल फेनेग्रन र ३९८ एम्पुल बुप्रिनफिन बरामद गरी बिकलाई लागू औषध शिर्षकमा मुद्धा दर्ता गरि आबश्यक अनुसंधान अघि बढाएको छ म्याग्दीमा पछिल्लो समय लागू औषध दुव्र्यसनको समस्या बढेको छ ।