सशस्त्र प्रहरी आश्रित गुल्म गलेश्वरले मनायाे छैटौ वार्षिकोत्सव

सशस्त्र प्रहरी बल, नेपाल आश्रित गुल्म गलेश्वरले शुक्रबार छैटौ वार्षिकोत्सव मनाइएको छ ।
वार्षिकाेत्सव कार्यक्रम उद्घाटन गर्न गलेश्वर स्थित गुल्ममा अाएका सशस्त्र प्रहरी बल नेपाल नं. ४ मुक्तिनाथ बाहिनी मुख्यालयका बाहिनीपति प्रहरी नायव महानिरीक्षक कुलबहादुर नेम्वाङले वार्षिकोत्सवको अवसरमा जवान मेस भवन उद्घाटन, पुरस्कार वितरण र शहिद परिवारलाई सम्मान गरे ।
सेही अवसरमा २०५९ पुष १९ गते दाङको कुशुममा माअाेवादीले थापेकाे एम्बुसमा परी ज्यान गुमाएका बेनी नगरपालिका–३ तोराखेतका प्रहरी वरिष्ठ हवल्दार स्व. नरबहादुर खत्रीका आमा जसमति खत्री र धवलागिरी गाउँपालिका–२ खोरीयाका शसस्त्र प्रहरी हवल्दार स्व. बलविर पुर्जाकी आमा निर्मला (नरिमा)लाई शसस्त्र प्रहरी नायव महानिरीक्षक नेम्वाङले दोसल्लो ओढाएर सम्मान गरे ।