दशैं-तिहार विदा सदुपयोग : रघुगंगामा पाँचौ राष्ट्रपति रनिङ शिल्ड प्रतियोगिता सुरु

म्याग्दीको रघुगंगा गाउँपालिका–३ पिप्लेमा गाउँपालिका स्तरीय पाँचौ राष्ट्रपति रनिङ शिल्ड खेलकुद प्रतियोगिता सुरु भएको छ ।
गाउँपालिकाभित्रका विभिन्न १२ वटा विद्यालयले सहभागीता रहेको प्रतियोगिता प्रतिनिधिसभा सदस्य खमबहादुर गर्वुजाले एक समारेह विच उद्घाटन गरे ।
भलिबल, एथलेटिक्स र कबड्डी विद्यातर्फ छात्र र छात्राहरुको १५/१५ इभेन्टमा प्रतियोगिता सञ्चालन गरिएको छ ।

प्रतियोगितामा बिजेता विद्यालयलाई नगद रु ५५ हजारको साथमा रनिङ शिल्ड, ट्रफि, मेडल र प्रमाणपत्र पाउने छन । भने दोस्रो र तेस्रो हुने विद्यालयलाई क्रमश नगद रु ३५ हजार र २५ हजारको साथमा ट्रफि, मेडल र प्रमाणपत्रले पुरस्कृत गरिनेछ ।
विद्यार्थीहरुको नियमित पठनपाठनमा प्रभावित पार्ने भएकाले दसैँ र तिहारको विदाको समयलाई उपयोग गरि राष्ट्रपति रनिङ शिल्ड प्रतियोगिता आयोजना गरिएको गाउँपालिका अध्यक्ष भवबहादुर भण्डारीले बताए । अध्यक्ष भण्डारीका अनुसार रघुगंगामा ३६ वटा खेलमैदान निर्माण र ११ वटा खेलमैदान ढलान भएका छन ।