दग्नाममा खेलमैदान, बास्केटबलकाे बोर्ड र प्याराफिट उद्घाटन

रघुगंगा गाउँपालिका, ४ दग्नाममा एकता युवा क्लबको नवनिर्मित खेलमैदान, बास्केटबलकाे फाईबर बोर्ड,प्याराफिट र स्टेजकाे उद्घाटन गरिएको छ ।

भुमे पुजा मेलाको अवसरमा शुक्रबार प्रतिनिधिसभा सदस्य सांसद खमबहादुर गर्बुजा ‘खम्बिर’ ले स्थानीय युवाहरूले विभिन्न दातासँग हारगुहारगरी निर्माणा गरेका  नवनिर्मत संरचनाहरूकाे उद्घाटन गरेका हुन । साे अवसरमा जिल्ला समन्वय समिति म्याग्दीका प्रमुख राजकुमार  थापा पनि उपस्थित रहे ।

दग्नामकाे भुमेपुजाको लिङ्गो जुधाइ प्रतियोगिता जिल्लाका पुन समुदाय/मगरजातीले गर्ने भुमेपुजा भन्दा फरक र पराम्परागत संस्कृती जाेडिएकाे छ ।

क्लब अध्यक्ष मनोज तिलिजाका अनुसार  गण्डकी प्रदेश सरकारबाट विनियोजित १५ लाख रुपैयाँ बजेटमा खेलमैदान, तुण्डी हाइड्रो पावर कम्पनीले १४ लाख रुपैयाँ बजेटमा स्टेज निर्माण र स्थानीय रघुगंगा गाउँपालिकाकाे ११ लाख रुपैयाँमा प्याराफिट निर्माण सहित घेराबार गरिएको हाे । त्यस्तै, दग्नाम जन्मघर भई हाल भारतीय सेनामा कार्यरत र अवकाश प्राप्तसैनिकहरुबाट संकलित रकमबाट फाईबर बोर्ड निर्माण गरिएको छ ।