माेना अध्यक्षमा दधिवल खड्का सर्वसम्मत

सदरमुकाम बेनीमा शनिवार सम्पन्न म्याग्दी प्रवासी नेपाली संघ (मोना)को अर्न्तराष्ट्रिय कार्यकारी समितिको पाँचाैं महाँधिवेशनबाट दधिवल खड्का (जापान) समेत सम्पुर्ण पदाधिकारी सर्वसम्मत अध्यक्ष चयन भएका छन । नेदरल्याण्डका मिम पुर्जाले अध्यक्ष पदकाे दावी छाेडेपछि खड्का माेनाकाे सर्वसम्मत अध्यक्ष बनेका हुन ।

महाँधिवेशनबाट ५ जना उपाध्यक्षहरूमा क्रमशः सुर्जे भट्टचन (पाेर्तुगल), इ.नन्द गर्वजा (युएइ), हरी राम्जाली (अष्ट्रेलिया), दिपक कार्की (जापान) र किसान जिसी (यु.के) चयन भएका छन । महिला उपाध्यक्षमा विष्णु बानियाँ (जापान), महासचिवमा सुनेस केसी (द.काेरिया), सचिवमा हिक्मत श्रेष्ठ (अष्ट्रेलिया), महिला सचिव सगिता थापा (अमेरिका) चयन भएका छन ।

त्यस्तै,  काेषाध्यक्ष नरेन्द्र फगामी (कतार), सहकाेषाध्यक्ष  प्रेम छन्त्याल (अमेरिका), युवा संयाेजक सचिन श्रेष्ठ (जापान), महिला संयाेजक पुर्णाीमा अासा पाइजा (हङकङ), महिला उपसंयाेजक नैना पुन (बेल्जियम) र क्षेत्रिय संयाेजक दिप फगामी (पाेर्तुगल) चयन भएका छन ।

समितिकाे अन्य क्षेत्रिय संयाेजक तथा सदस्यहरूकाे चयन भने निर्वाचित समितिकाे पहिलाे बैठकबाट मनाेनयन गर्ने ब्यवस्था रहेकाे माेनाका पुर्वअध्यक्ष तथा निर्वाचन समितिका सदस्य याेगेन क्षेत्रीले बताए ।

म्याग्दी जिल्लाभित्र र विश्वका विभिन्न मुलुल (प्रवास)मा छरिएर रहेका म्याग्देलीहरुका बीच सम्बन्धको विकास गरी प्रवासमा आर्जित पुँजी, सीप र क्षमतालाई मातृ जिल्लामा उपयोग गर्ने उद्देश्यकासाथ मोनाका अवधारणाकर्ता प्रकाश पुनको अध्यक्षतामा २०६४ कात्तिक ५ गते म्याग्दी प्रवासी नेपाली संघ (मोना) अन्तराष्ट्रिय समवन्वय परिषद र ०६६ फागुन ५ गते जिल्ला प्रशासन कार्यालयमा म्याग्दी प्रवासी नेपाली संघ (मोना)को अर्न्तराष्ट्रिय कार्यकारी समितिको नाममा दर्ता भएको हो ।