सुवाका बाढि पहिरो पीडितलाई राहत सामग्री

म्याग्दीको अन्नपूर्ण गाउँपालिका वडा नम्वर सुवाका पहिरो पीडितलाई विभिन्न राहत सामग्री सहयोग गरिएको छ ।

नेपाल रेडक्रस सोसाईटी भुरुङ तातोपानीबाट प्राप्त २५ किलोको चामल ७ बोरा, ब्लाङ्केट २० थान र किचन सामग्री सेट १ थान सहयोग पहिराे प्रभावित भै वडाको सभाहलमा बस्दै आएका सुवाका २० घरपरिवार र फगाम, सुवा काभ्रे लगायतका स्थानबाट ज्ञान प्रकाश मावि र सर्वोदय माविमाको छात्रावासमा बस्ने विद्यार्थीहरुलाई सहयोग गरिएको हो ।

साे अवसरमा मिलन म्याग्दीबाट ५ सय ग्रामको सर्वोत्तम पिठो ४० प्याकेट र धोएर प्रयोग गर्न मिल्ने कटनको सेनेटरी प्याड २५ थान वितरण गरिएको छ । त्यस्तै रुप्से संगम युवा क्लवले करिव १० हजार बराबरको दाल, चामल, नुन, तेल लगायतका खाद्यान्न सामग्री सहयोग हस्तान्तरण गरेको वडा अध्यक्ष रमेश पुर्जा  बताए ।