काप्राेकाे रुखबाट लडेर महिलाको मृत्यु

अन्नपूर्ण गाउँपालिका, ५ पाउद्वारको नेपानेमा काप्रो (अचार खान मुना टिपिन्छ) टिप्न खोज्दा रुखबाट लडेर स्थानीय एक महिलाको मृत्यु भएको स्थानीयले बताए ।

मृतक महिला नेपाने पुख्यौली घर भै हाल अन्नपूर्ण गाउँपालिका, ६ पोखरेबगरमा बस्दै आएकी तुलदेवी पुन भएको बताईएको छ ।

स्थानीयका अनुसार शुक्रवार विहान ६ बजेतिर नेपाने बस्ती छेउको अँधेरीखोला नजिकै भीरको डिलमा रहेको काप्रोको मुना टिप्न खोज्दा खसेको र उनको शव तल घारखोलाको खोंचमा अल्झेको छ । स्थानीय र आफन्तले शव झिक्ने प्रयास गरिरहेका छन ।