म्याग्दीको मंगला क्याम्पसमा अनेरास्ववियु अत्याधिक मतले विजयी

म्याग्दीको मंगला गाउँपालिका स्थित मंगला शिक्षा क्याम्पसमा एमाले निकट अनेरास्ववियुको भिममायाँ रोका नेतृत्वको एकल प्यानल विजयी भएको छ ।
रोकाले एक सय ३० मत पाईन भने सत्ता गठवन्धनका काँग्रेसर माओवादी केन्द्रका विद्यार्थी संगठनको गठवन्धनबाट उम्मेदवार रहेका नेपाल विधार्थी संघका गौरव आचार्यले १५ मत प्राप्त गरे । त्यस्तै सचिवमा अनेरास्ववियुका रिवन शाहीले एक सय ३०, कोषाध्यक्ष तारा राना मगरलेर् क सय २६ मत पाएर निर्वाचित भएको मंगला शिक्षा क्याम्पस निर्वाचन अधिकृतको कार्यालयले जनाएको छ । सचिवमा माओवादी केन्द्र निकट अखिल क्रान्तिकारीकी पस्मिता रोकाले १३ र नेविसंघका प्रविना क्षत्रीले १७ मत प्राप्त गरिन ।
त्यस्तै, क्याम्पस निर्वाचन अधिकृतको कार्यालयका अनुसार सदस्यहरुमा अनेरास्ववियुका मेघबहादुर घर्तीले (१३२), विन्दा रोका (१३५)। सजिना सुवेदी (१३५)। किशोरी फगामी (१३४), युमायाँ दर्जी (१३२) पाएर विजयी भएका छन ।
क्याम्पसमा २ सय १२ मतदाता रहेकोमा जम्मा एक सय ४३ मत खसेको थियो । स्ववियु निर्वाचनमा नेकपा निकट अनेरास्ववियू क्रान्तिकारीले बहिस्कार गरेको थियो ।
स्ववियु निर्वाचनमा समानुपातिक तर्फ नेनि संघले १२ मत प्राप्त गरेको छ । समानुपातिक मत अनुसार १५ सदस्यीय मंगला शिक्षा क्याम्पस स्वतन्त्र विद्यार्थी युनियनमा नेविसंघबाट एक जना सदस्य प्रतिनिधित्व हुने छ ।