अर्थबाट पौडेलको बहिर्गमनले सेयर बजार अझ प्रभावित

राष्ट्रपति निर्वाचनसँगै दलीय सत्ता समीकरण प्रभावित भएको असर बजारमा देखिन थालेको छ।

निजी क्षेत्र र सेयर बजारप्रति सकारात्मक रहेका एमालेले उपाध्यक्ष एवं अर्थमन्त्री विष्णुप्रसाद पौडेलको बहिर्गमनसँगै दोस्रो दिन बजार अझ घटेको छ।

उनी अर्थमन्त्री भएलगत्तै २२०० बिन्दु माथि पुगेको बजार पछिल्लो राजनीतिक घटनाक्रसँगै ओरालो लागेको छ। मंगलबार नेप्से परिसूचक ३.८१ अंकले घटेर २०१९.७३ बिन्दुमा झरेको छ। यस्तै सेन्सेटिभ पनि १.०८ प्रतिशतले घटेको छ। कारोबार पनि घटेर १ अर्ब ३८ करोडमा सीमित छ।

कम्पनीले केही समय अघि सार्वजनिक गरेको चालु आर्थिक वर्षको दोस्रो त्रैमासको वित्तीय विवरणमा ३२ प्रतिशतसम्म नाफा घटाएपछि निराश बनेका लगानीकर्ता बिक्रीमा सक्रिय बनेका हुन्। फलस्वरुप आज यस कम्पनीको सेयर मूल्य प्रति कित्ता ४८९ रुपैयाँ सम्म घटेको छ।