एमालेका उम्मेदवार भकिम्ली र खाेरीयामा घरदैलाेगरी भाेट माग्दै

मंसिर ४ गते हुने प्रतिनिधि सभा र प्रदेश सभा सदस्यका एमालेका उम्मेदवार हरीकृष्ण श्रेष्ठ र प्रदेश सभा १ का उम्मेदवार देवेन्द्रबहादुर कटुवालले घरदैलोमार्फत मतदाता भेटघाटलाई तीव्रता दिएका छन् । उम्मेदवारद्वयले बेनी नगरपालिका–३, भकिम्लीको हल्लेगौंडा, चिनाखेत, भकिम्ली, डोले र छेपारेलगायत टोल, वस्तीका मतदाताकाे घरदैलाे गरी भाेट मागेका हुन ।

त्यसैविच प्रदेश सभा (२)का उम्मेदवार यामबहादुर गर्बुजा, एमाले धवलागिरि गाउापालिका कमिटी अध्यक्ष रेशम छन्त्याल र प्रदेश सभा (ख) निर्वाचन परिचालन समन्वय कमिटी सचिव प्रगति कार्कीसहितको टोलीले लुलाङको खोरियामा घरदैलो गरी मतदातालाई भेटेर भोट मागेको जनाएको छ ।