मुस्ताङ निर्वाचन क्षेत्रमा प्रतिनिधी सभामा ५ जनाको उम्मेदवारी दर्ता

हिमालपारीको जिल्ला मुस्ताङ निर्वाचन क्षेत्रबाट प्रतिनिधी सभा सदस्यमा ५ जनाको उम्मेदवारी दर्ता भएको छ ।
मुख्य निर्वाचन अधिकृत इश्वर पराजुलीका अनुसार प्रतिनिधी सभा सदस्यमा एमालेका प्रेमप्रसाद तुलाचन, गठवन्धनबाट काँग्रेसका योगेश शेरचन, राप्रपा नेपालबाट मानबहादुर विश्वकर्मा, राष्ट्रिय स्वतन्त्र पार्टीबाट सुरेन्द्र गुरुङ गुरुङ र स्वतन्त्रबाट डा.सुरेन्द्र शेरचनको उम्मेदवारी परेको छ ।
त्यस्तै प्रदेश सभा सदस्य निर्वाचन क्षेत्र १ मा एमालेका इन्द्रधारा विष्ट, गठवन्धनबाट काँग्रेसका नम्दु गुरुङको उम्मेदवारी परेको छ । प्रदेश निर्वाचन क्षेत्र २ मा एमालेका चन्द्रमोहन थकाली, गठवन्धनबाट काँग्रेसका विकल शेरचन र राप्रपा नेपालबाट जेम्स हिराचनको उम्मेदवारी परेको छ ।