बेनीमा प्रतिनिधिसभा र प्रदेश सभा निर्वाचनका लागि मुख्य निर्वाचन अधिकृतको कार्यालय स्थापना

मंसिर ४ गते हुन लागेको प्रतिनिधिसभा र प्रदेशसभा सदस्यको निर्वाचनका लागि म्याग्दी सदरमुकाम बेनीमा मुख्य निर्वाचन अधिकृतको कार्यालय स्थापना भएको छ । जिल्ला समन्वय समितिको सभाहलमा एक कार्यक्रमका बिच मुख्य निर्वाचत अधिकृत समेत रहनुभएका जिल्ला न्यायाधीस कृष्णप्रसाद शर्मा नेपालले मुख्य निर्वाचत अधिकृतको कार्यालयको उद्घाटन गरेका हुन ।
कार्यालय स्थापना संगै निर्वाचन प्रकृयाको आबश्यक तयारी समेत सुरु भएको छ ।  कार्यालय उद्घाटन पश्चात आयोजित जिल्ला आचारसंहिता अनुगमन समितिले सरोकारवालासंग निर्वाचनको समयमा आचारसंहिता पालनाको सन्दर्भमा अन्तक्रिया समेत गरेको गरिएको थियो । निर्वाचतलाई स्वच्छ, शान्त र मर्यादित रुपमा सम्पन्न गर्नका लागि निर्वाचन आयोगले तयार गरेको आचारसंहितालाई पूर्ण रुपमा पालना गर्नुपर्नेमा मुख्य निर्वाचत अधिकृत नेपालले जाेड दिए।