नेपाल छन्त्याल संघको सम्मेलनबाट मनमोहन विजयी

नेपाल छन्त्याल संघको बेनीमा सम्पन्न ७ औं राष्ट्रिय सम्मेलनबाट मनमोहन बुढाथोकी छन्त्याल विजयी भएका छन ।
आइतवार विहान भएको मतदानमा मनमोहनले २ सय ४ मतसहित अध्यक्ष पदमा विजयी भएका हुन । उनका निकटतम प्रतिद्धन्द्धी गजेन्द्र छन्त्यालले १ सय १२ मत पाए ।

त्यसैगरी संघको बरिष्ठ उपाध्यक्षमा लोकप्रीय १ सय ८५ मतसहित मनमायाँ छन्त्याल विजयी भएकी छिन । संघको राष्ट्रिय सम्मेलनको अध्यक्ष पदको निर्वाचनलाई निक्कै महंगा भएको पनि सदस्यहरुले टिप्पणी गरेका छन ।
सर्वसम्मत नभएपछि अध्यक्ष, बरिष्ठ उपाध्यक्ष र तीन खुल्ला सदस्य पदमा निर्वाचन भएको थियो । मतदानमा ३ सय २४ मत खसेको थियो । खुल्ला सदस्य पदमा श्याम पाल्तेन छन्त्याल, नरेन्द्र छन्त्याल र घनसा छन्त्याल विजयी भएका छन ।
छन्त्याल संघको अधिवेशनबाट महिला उपाध्यक्षमा यमुना छन्त्याल, खुल्ला उपाध्यक्षमा हरिचन छन्त्याल, गण्डकी प्रदेशमा खिम छन्त्याल, लुम्बीनीमा लोक छन्त्याल र बाग्मतीमा चक्रबहादुर छन्त्याल निर्विरोध भएका छन । महासचिवमा कृष्ण छन्त्याल र कोषाध्यक्षमा शिव छन्त्याल चयन भएका छन ।