नेपाल छन्त्याल बिद्यार्थी संघको अध्यक्षमा म्याग्दीका अमर छन्त्याल निर्वाचित

नेपाल छन्त्याल बिद्यार्थी संघको केन्द्रिय अध्यक्षमा अमर भलञ्जा छन्त्याल निर्वाचित भएका छन ।

शनिबार म्याग्दी सदरमुकाम बेनीमा सम्पन्न भएको संघको चौँथो राष्ट्रिय महाधिवेशनबाट रघुगंगा गाउँपालिका ८ कुइनेमंगलेका छन्त्याल सर्वसम्मत केन्द्रिय अध्यक्षमा निर्वाचित भएका हुन । 

१३ सदस्यीय कार्यसमितिको उपाध्यक्षमा तिल कुमारी घरब्जा छन्त्याल, रिना भलञ्जा छन्त्याल, महासचिवमा मिलन छन्त्याल, सचिवमा सपना छन्त्याल, कोषाध्यक्षमा टेकमाया भलञ्जा छन्त्याल र सहकोषाध्यक्षमा यमकलि घरब्जा छन्त्याल चयन भएका छन । त्यस्तै सदस्यहरुमा भिम कुमारी झिङराजा, हिरा कुमारी पोत्लाङ्गे, मुनम पोत्लाङ्गे, मार्मिन बुढाथोकी, केमली भलञ्जा र रचना पोत्लाङ्गे छन्त्याल चयन भएका छन । 

नेपाल छन्त्याल संघको सातौँ राष्ट्रिय महाधिवेशनको अवसर पारेर बिद्यार्थी संघको पनि चौँथो अधिवेशन सम्पन्न गरिएको हो ।