स्थानीय तह निर्वाचनमा ठेकेदारले लड्न नपाउने

स्थानीय तहको ठेक्कापट्टामा संलग्न रहेका व्यक्ति उम्मेदवार हुनबाट बञ्चित हुने भएका छन् ।

निर्वाचन आयोगको बुधबार बसेको बैठकले ठेक्कापट्टा वा चलअचल सम्पत्तिमा संलग्न रहेका व्यक्ति उम्मेदवार हुन नपाउने निर्णय गरेको हो । बैठकपछि आयोगले स्थानीय तह निर्वाचनमा उम्मेदवारको मनोनयनपत्र साथ पेस गर्नुपर्ने स्वघोषणाका बुँदाहरुसमेत सार्वजनिक गरेको छ । 

स्थानीय तह निर्वाचनमा ठेकेदारलाइ उम्मेदवार बन्न नदिएपछि दलहरूलाइ उम्मेदवार छनाैटमा सजिलाे हुने भएकाे छ ।