बेनीको सडकमा हट्याे वान वे, ट्राफिक र नगरपालिका विच मदभेद

म्याग्दीको सदरमुकाम बेनीकाे सडकमा लागु गरिएको एकतर्फी यातायात सञ्चालनको निर्णयबाट बेनी नगरपालिका पछि हटेसँगै  एकातर्फी यातायात नियम हटेकाे छ । 

उधाेग वाणिज्य संघकाे अगुवाइमा ब्यवसायीकाे विराेध भएपछि बेनीकाे अव्यवस्थित ट्राफिकलाई व्यवस्थापनमा उल्लेख्य सुधार भएकाे  एकतर्फी यातायात संचालन फिर्ता गरेकाे बेनी नगरपालिकाले जनाएकाे छ । 

ट्राफिकलाई व्यवस्थापन गर्न गरिएकाे निर्णय नगरपालिकाले फिर्ता गर्ने भएपछि सहभागी ट्राफिक तथा जनपद प्रहरीका अधिकारीहरू बैठक छाेडेर हिंडेका थिए । जिल्लाका सवै सुरक्षा सम्बन्धी वैठकमा सघ सरकार मातहतकाे गृह प्रशासन हावी हुँदै अाएकाेमा साेमबार निरिह बनाइएपछि रूष्ट छ ।

ट्राफिक प्रहरी सहितको सुरक्षा निकायका प्रतिनिधिको असहमतिका बिच नगरपालिका निर्णयबाट पछि हट्ने निर्णयसँगै सघ सरकार र स्थानीय सरकारवीच द्वन्द्व सुरू भएकाे छ । बेनीकाे सडकमा वान वे यातायात हटेपछि निर्णयबाट रूष्ट प्रहरी र ट्राफिक सडकमा जाँचपासमा अाम चालकहरूले सास्ती पाउने प्रायःनिस्चित देखिएकाे छ ।