गौतमलाई पत्रकारिता पुरस्कार

म्याग्दीमा कृषीमा आधारित पर्यटन क्षेत्रको विकासमा योगदान पु¥याए वापत पत्रकार सन्तोष गौतम के.डी वर्ष पत्रकारिता पुरस्कार २०७५ बाट सम्मानीत भएका छन ।

मंगला गाउँपालिका, २ सिमलचौरमा रहेको के.डी कटेज प्रा.लीले तेस्रो वार्षिक उत्सवको अवसरमा गौतमलाई ११ हजार १११ रुपैयाँ राशीको पुरस्कार सहित दोसल्ला ओढाएर सम्मान गरेको हो । कटेजले पत्रकारिता बृद्धी कोषबाट गत वर्ष कान्तिपुरका घनश्याम खड्कालाई नगदसहित सम्मान गरेको थियो ।

कटेजले अन्नपूर्ण पोष्ट्का पूर्व म्याग्दी सम्बाददाता गोपाल छन्त्याललाई कदरपत्र, बेनी अनलाइनका हरिकृष्ण गौतमलाई प्रशंसापत्र र दोसल्लाले सम्मान गरेको छ । मंगला गाउँपालिका प्रमुख सतप्रसाद रोकाले पुरस्कार एवं कदर पत्रले सम्मान गरे । कृषिमा आधारित पर्यटन र होटल ब्यवसाय गर्ने उद्देश्यले तीन वर्षअघि स्थापीत उक्त कटेजले प्रत्येक वार्षिक उत्सवको अवसरमा गत वर्षदेखि एक जना पत्रकारलाई पुरस्कृत गर्दै आएको छ ।

प्राकृतिक तातोपानी कुण्ड, टोड्के, गुरील्ला, धौलागिरि चक्रीय पदमार्ग र ढोरपाटन भ्रमणमा जाने आन्तरीक तथा बाह्य पर्यटकलाई लक्षित गरेर ५० लाख रुपैयाँको लागतमा कटेज सञ्चालन गरिएको छ । यसअघि बाह् जना क्षमत्ताको होमस्टे सञ्चालन गरेको कटेजले यस वर्षदेखि सभाहल र सुबिधायुक्त कोठा सहितको डाइनिङ हल बनाएको छ ।

उक्त कटेजमा म्याग्दी खोलाको असला र कटेज परिसरमा पालीएका माछा, गौरीया, गुडुरा धानको चामलको भात, प्राङ्गारीक प्रबिधिबाट उत्पादन गरिएको तरकारी, लोकल कुखुरा, खसीको परिकारको बिक्रीका साथै होमस्टे सुबिधा रहेको छ ।