म्याग्दी काँग्रेसमा देउवा प्यानलका खम्वीर निर्विरोध

नेपाली काँग्रेस म्याग्दीको जारी सातौं जिल्ला अधिवेशनमा सभापतिमा देउवा प्यानलका खम्वीर गर्वुजा निर्विरोध निर्वाचित भएका छन ।
निर्वाचन समितिले दिएको उम्मेदवारी दर्ता गर्ने समय सीमा वुधवार दिउँसोसम्म सभापति पदमा निर्वतमान सभापति खम्वीर गर्वुजाको मात्र एक्लो उम्मेदवारी दर्ता भएकोले निर्विरोध भएका हुन ।
रामचन्द्र पौडेल खेमाबाट अन्नपूर्ण गापा अध्यक्ष रहेका क्या.डमबहादुर गर्वुजाको सभापति पदमा उम्मेदवार बन्न क्रियाशिल सदस्य बनेको दश वर्षे योग्यता नपुगेपछि खम्वीर सभापति निर्विरोध बनेका हुन । जिल्लामा देउवा प्यानलका खम्वीर गर्वुजा समुहले पौडेल प्यानलका रेशम बानियाँ समुहलाई झन झन पेल्दै र धकेल्दै लगेको देखिएको छ ।

त्यसैविच म्याग्दी काँग्रेस सातौ जिल्ला अधिवेशन निर्वाचन समितिले दिएको जानकारी अनुसार दुई जना उपसभापति पदमा बेनी नगरप्रमुख हरीकुमार श्रेष्ठ, माधवप्रसाद रेग्मी, क्या.मीनबहादुर कार्की, कमल छन्त्याल र क्या.डमबहादुर गर्वुजाको उम्मेदवारी परेको छ ।
त्यस्तै दुई जना सचिव पदमा भरत रकाल, हीरा पुन, अजयमिलन श्रेष्ठ र दुर्गाराम सुवेदीको उम्मेदवारी परेको छ । सहसतिव पदमा ध्रुव कार्की, श्रीराम पौडेल र कमलप्रसाद उपाध्यायको उम्मेदवारी दर्ता भएको निर्वाचन समितिले जनाएको छ ।