बालगृहका बालबालिकाकाे सामुहिक भाइटिका

म्याग्दीको बेनी स्थित बालगृहमा रहेका अनाथ बालबालिकाहरुले शनिबार सामुहिक भाइटिका लगाएर तिहार मनाएका छन् ।

नेपाल बाल संगठन म्याग्दीले सञ्चालन गरेको बालगृहमा रहेका बालबालिकाहरुले एक आपसमा टिका र माला लगाएर तिहार मनाएका हुन् । नेपाल बाल संगठन म्याग्दीका अध्यक्ष राजेश शाक्यका अनुसार  अस्टे«लीयामा रहेका म्याग्दीका छोरी बुहारीहरुले स्थापना गरेको ‘उई केयर एण्ड लभ’ संस्थाको आयोजना बालगृहमा सामुहिक भाइटिका कार्यक्रम आयोजना गरिएको हो ।

बालगृहमा हाल ११ जना बालबालिका आश्रित छन् । । अभिभावक बिहिन बालबालिकालाई बालगृहलाई आश्रयका साथै माध्यमिक तहसम्मको पठनपाठनको ब्यवस्था मिलाएको छ ।