मोनाको चौंथो अधिवेशन : निर्वाचित भएको केही मिनेटमै राजिनामा

बेनीमा विहिवार सम्पन्न म्याग्दी प्रवासी नेपाली संघ (मोना)को अन्र्तराष्ट्रिय कार्यकारी समितिको चौंथो महाधिवेशनबाट अमेरिका क्षेत्रिय संयोजकमा निर्विरोध निर्वाचित अमर भण्डारीले निर्वाचित घोषणा गरेको केही मिनेटमै राजिनामा गरेका छन ।
मोनाको चौंथो अधिवेशनमा भर्चुअल माध्यमबाट अमेरिका क्षेत्रिय संयोजकमा निर्विरोध उम्मेदवार बनेका भण्डारीले बेनीमा निर्वाचन मण्डलले नवनिर्वाचित पदाधिकारीको घोषणा गरेको केही मिनेटमै संस्थाको अध्यक्ष समेत नेतृत्व चयनमा जातिवादी गुटवन्दी र अति राजनैतिकरण भएको आरोप लगाउँदै चित्त नबुझेकोले राजिनामाको घोषणा गरेको उल्लेख गरेका छन ।

सामाजिक संञ्जाल फेसबुकमा स्टाटस लेख्दै भण्डारीले भनेका छन, ‘आफ्नै जिल्लामा मोना आईसिसिमा बसेर केही गरौं भन्ने चाहनाले मोना अमेरिका क्षेत्रको संयोजकमा उम्मेदवारी दिएको थिए । तर विगत केही दिनदेखी बेनीमा भएका राजनैतिक र जातीय गतिविधीले मलाई यो सामाजिक संस्थासँग संस्थासंग जोडिएर काम गर्न इच्छा नलागेकाले (निर्वाचित भएको जानकारी आएकाले) आजकै मिती देखि लागुहुने गरी राजिनामा दिएको जानकारी गराउँछु । यो संगै अफिसियल्ली राजिनामा संस्थामा पठाउने छु ।’

त्यसैगरी मोनाको चौंथो महाधिवेशनमा युरोप, अमेरिका क्षेत्रका प्रतिनिधीबाट अपमानित हुनु परेको भन्दै खाडी मुलुकका प्रतिनिधीहरुले पनि ठूलो र गहिरो असन्तुष्टी बोकेर बाहिरिएका छन ।