कर्णालीका मुख्यमन्त्रीकाे मालाकाे मूल्य एक लाख!

कर्णालीका मुख्यमन्त्री महेन्द्रबहादुर शाही हेलिकाेप्टरका शाैखिन छन्। 

उनकाे याे भ्रमणमा अर्काे अनाैँठाे दृष्य देखियो। गलामा मालाकाे भारी। शाही र बुढासँगै खर्चे बेहाेर्ने डोल्पाको जगदुल्ला गाउँपालिका अध्यक्ष नरसिंह रोकायाकाे गलामा ४०/४० किलाेकाे १ लाख मूल्यकाे माला थियाे।

हिमाली पाटनको फूल ल्याउन र माला बनाउन एक लाख रुपैयाँ खर्च खर्च भएको गाउँपालिका स्राेतले जानकारी दिएकाे छ । जसमा श्रमिककाे ज्याला पनि जाेडिएकाे छ। उनै मुख्यमन्त्री हेलिकाेप्टर चढेर शनिबार डाेल्पा पुगे। इन्धन खर्च जगदुल्ला गाउँपालिकाले तिरेकाे छ।

शनिबार डोल्पाको जगदुल्ला गाउँपालिका-६ स्थित एक आवासीय विद्यालय र गाउँपालिकाको प्रशासकीय भवन उद्घाटन गर्न मुख्यमन्त्री शाही, उद्योग पर्यटन वन तथा वातावरणमन्त्री बुढा हेलिकप्टर चढेर गएका डोल्पा पुगेका थिए।

१ करोड २३ लाख ८६ हजार रुपैयाँ लागतमा दलित आवासीय विद्यालय सञ्चालन भएको र विद्यालयमा पालिकाले ७० प्रतिशत र प्रदेश सरकारकाे गरी  चार करोड ४३ लाख १० हजार खर्च गरेको छ ।