नक्कली परीक्षार्थीलाई दुई लाखसम्म बुझाउँछन् सक्कली परीक्षार्थी

प्रहरी जवानमा नाम निकाल्न सक्कली परीक्षार्थीले नक्कली परीक्षार्थीलाई दुई लाख रुपैयाँसम्म बुझाउने गरेको पाइएको छ।यस्तै रकम लिएर अरुको परीक्षा दिने नक्कली परीक्षार्थीसहित ६ जनालाई प्रहरीले पक्राउ गरेको छ।

प्रदेश–१ प्रहरी तालिम केन्द्र रानी विराटनगरमा संचालित प्रहरी जवान पदको परीक्षामा सहभागी उनीहरुलाई प्रहरीले पक्राउ गरेको हो। उनीहरुले सक्कली परीक्षार्थीबाट १ लाख १८ हजारदेखि दुई लाख रुपैयाँसम्म बुझेको प्रहरीले जानकारी दिएको छ।