धमाधम पाठ्यक्रम बनाउँदै म्याग्दीका स्थानीय तह

स्थानीय तहहरुले धमाधम स्थानीय पाठ्यक्रम बनाई पठनपाठन थालेका छन । केन्द्रबाट तय भएका पाठ्यक्रमले स्थानीय संस्कृती, जनजीवन, भुगोल लगाएतका पक्ष समेट्न नसकेपछि स्थानीय सरकारहरुले आधारभुत तहमा आफ्नै पाठ्यक्रम तयार गरी पठनपाठन थालेका हुन ।
जिल्लाका ६ वटा स्थानीय तहमध्य बेनी नगरपालिकाले तीन वर्ष अघि स्थानीय पाठ्यक्रम तयारपारी गत शैक्षिक सत्रदेखी कक्षा १ मा र चालु शैक्षिक सत्रमा कक्षा २ मा स्थानीय पाठ्यक्रममा आधारित पाठ्यपुस्तक पढाउन सुरु गरेको छ ।
‘हामीले गतवर्ष देखी नै स्थानीय सामाग्री समावेश पाठ्यक्रम पढाउन सुरु गरेका छौं । पहिलो वर्षको पाठ्क्रक्रमका त्रुटी सच्याउँदै चालु शैक्षिक सत्रमा कक्षा २ मा पनि स्थानीय तहमा निर्मित पाठ्यपुस्तक पढाउन थालेका छौं’ बेनी नगरपालिकाका शिक्षा अधिकृत अर्जुन पौडेलले भने, ‘स्थानीय परिवेशमा आधारित पाठ्यक्रममा समावेश विषयवस्तु, शब्द र भाषा बालबालिकालाई बुझाउन अलि गाहे भएको शिक्षकबाट सुझाव आएको छ ।आगामी शैक्षिक सत्रबाट सुधार गर्दै लगिने छ ।’

बेनी नगरपालिकाले १ कक्षाबाटै ब्यवसायीक शिक्षा दिने
बेनी नगरपालिकाले कक्षा १ कालागी तयार पारेको पाठ्यक्रममा तीन खण्डमा वीस वटा इकाई राखिएका छन । बेनी नगरपालिकाले कक्षा १ कालागी तयार पारेको पाठ्यक्रममा तीन खण्डमा वीस वटा इकाई राखिएका छन । पाठ्यक्रममा पहिलो खण्डमा नगरपालिकाको परिचय, हाम्रो कृषी, हाम्रा पशुपन्छी, हाम्रा ब्यापार ब्यवसाय, महत्वपूर्ण स्थल र सम्पदाहरु, हाम्रो भाषा, धर्म संस्कृति र आरण, हाम्रा स्थानीय प्रविधी र परम्परागत सामाग्री समावेश छन । त्यसैगरी ब्यवसायीक तरकारी, फलफुल, टिुमर, कुखुरा, गाईभैसी, बाखूा, वङ्गुर, मौरी पालन र घरेलु उद्याृग तथा ब्यापार ब्यवसाय समावेश गरिएको छ । तेस्रो खण्डमा हाम्र एतिहासिक सम्पदा/स्थल, धार्मिक सम्पदा/स्थल, हाम्रा सांस्कृतिक सम्पदाहरु र हाम्रा प्राकृतिक सम्पदा वा स्थलहरु राखिएका छन । खण्ड क अनिवार्य खण्ड ख तीन पाठ र ग मा २ वटा पाठ एच्छिक हुन ।

त्यसैगरी अन्नपूर्ण गाउँपालिकाले पनि यसै सैशिक सत्रदेखी स्थानीय पाठ्यक्रममा पठनपाठन सुरु गरेको छ । गाउँपालिकाले कक्षा १–५ सम्मकालागी मौलिक विषयवस्तुमा आधारित पाठ्यक्रम बनाई चालु शैक्षिक सत्रमा कक्षा १ मा स्थानीय पाठ्यक्रम समावेश पाठ्यपुस्तक छपाई गरी पढाउन थालेको जनाएको हो ।
अन्नपूर्ण गाउँपालिकाले सामाजिक संस्कार र संस्कृति, धार्मिक स्थलहरु, पर्यटकीय स्थलहरु, विकास पूर्वाधार र हरित विद्यालय, प्राकृतिक श्रोत र सम्पदा, प्राकृतिक प्रकोप, परम्परागत प्रविधी, पेशा, सडक र ट्राफिक समेतका विषयवस्तु समेटेर स्थानीय पाठ्यक्रम तयार पारेको जनाएको छ ।
‘मौलिक विषयवस्तुमा आधारित भै कक्षा १ को पाठ्यपुस्तक तयार गरी पठन पाठन सुरु गरेका छौं । पुस्तकमा ७० प्रतिशत चित्र र ३० प्रतिशत शब्द रहेका छन’ अन्नपूर्ण गाउँपालिकाद्धारा गठित पाठ्यक्रम निर्माण तथा मस्यौदा समितिका संयोजक समेत रहेका शिक्षा शाखाका श्रोत ब्यक्ति भरत पुनले भने, ‘माथिल्लो कक्षाको पनि पाठ्यक्रमकालागी विषयवस्तु छनौट गरिएको छ । सरोकारवालासंगको अन्र्तक्रियापछि क्रमश पाठ्यपुस्तक बनाई लागु गर्ने छौं ।’
बेनी नगरपालिका र अन्नपूर्ण गाउँपालिका बाहेक रघुगंगा, मंगला, मालिका र धवलागिरी गाउँपालिकाले भने स्थानीय पाठ्यक्रम तयार पारिसकेका छैनन । ति पालिकाले पाठ्यक्रम तयारी प्रकृयामा रहेको जनाएका छन । मंगला गापाले पाठ्यक्रम टुङ्गो गरी पुस्तक छपाईको तयारीमा रहेको जनाएको छ ।
‘गत वर्ष कोभिडले गर्दा काम गर्न सकिएन । स्थानीय पाठ्यक्रम बनाउन कन्सल्टेन्ट ल्याउने करिकोलमको अन्तिम टुङ्गो लगाउने तयारीमा छौं’ धवलागिरी गाउँपालिकाका शिक्षा अधिकृत कमलप्रसाद ढकालले भने, ‘विषयवस्तु धेरै भएपनि विषयविज्ञहरु वोलाई अन्र्तक्रियागरी पाठ्यक्रम नै बनाउनु बढी उपयुक्त ठानिएको छ । यो वर्षको अन्तिमसम्म पाठ्यक्रम तयार भै पाठ्यपुस्तक नै प्रकाशन गर्ने योजना छ ।’