सर्वोच्चको फैसला अप्रत्यासित : एमाले प्रवक्ता ज्ञवाली

सर्वोच्च अदालतको आदेशले पछिल्लो पटकको मन्त्रिपरिषद विस्तारलाई बदर गरिदिएपछि सरकारमा प्रधानमन्त्री केपी शर्मा ओलीसहित ५ जना मात्रै रहेका छन् ।

सर्वोच्चको आदेशबाट २० मन्त्रिहरु पदमुक्त भएपछि सरकारमा प्रधानमन्त्री ओली, उपप्रधान तथा अर्थमन्त्री विष्णु पौडेल, शिक्षा मन्त्री कृष्णगोपाल श्रेष्ठ, भौतिक पूर्वाधार मन्त्री वसन्त नेम्वाङ र कानून मन्त्री लिलानाथ श्रेष्ठ मात्रै बाँकी रहेका हुन ।

यसैबीच नेकपा एमालेका प्रवक्ता प्रदीप ज्ञवालीले सर्वोच्च अदालतको आज आएको आदेश अप्रत्यासित भएको प्रतिक्रिया दिएका छन् ।

सर्वोच्च अदालतले गत जेठ २१ र २७ गते गरेको मन्त्रिपरिषद् विस्तार विरुद्ध सर्वोच्चमा परेको रिटमाथि सुनुवाई गर्दै आज बदर गरेको हो ।

अब मौजुदा मन्त्रि परिषदमा प्रधानमन्त्री ओलीसहित ५ जना मात्रै रहेका छन् । सर्वोच्चले पछिल्लो पटक थपेका २० मन्त्रिहरुलाई काम नगर्नु, नगराउनु भन्दै आदेश दिएको हो ।

अदालतको फैसलापछि नेकपा एमालेले पार्टीको धारणा बनाउन लागेको बताउँदै ज्ञवालीले भने, फैसलापछि राष्ट्रिय राजनीति जटिल मोडतिर गएको छ ।