कालीगण्डकीमा लगातार जलसतह बढ्दै

हिमारपारीको मुस्ताङमा भारी वर्षापछि खहरेमा आएको बाढी मिसिएपछि कालीगण्डकी नदीमा लगातार जलसतह बढ्दै गएको छ । कालीगण्डकीमा आएको तटिय वस्तीमा जोखिम बढाएको छ ।
मुस्ताङ्गका थासाङ, घरपझोङ्ग र बाह्गाउँमुक्ति क्षेत्र गाउँपालिका क्षेत्रमा विहिवार दिउँसो १२ बजेपछि लगातार भैरहेको ठूलो वर्षापछि त्यहाँका बढेका खहरे खोलामा मिसिएपछि कालीगण्डकीमा बाढी आएको हो ।
उर्जा, जलश्रोत तथा सिंचाई विभागको वेभसाईटले नियमित अपडेट गर्ने अन्नपूर्ण गाउँपालिका, ६ रातोपानी स्थित वर्षा तथा बाढी मापन केन्द्रले दिएको विवरण अनुसार विहिवार साँझ ७ बजे कालीगण्डकीमा सल सतह ४.२३ मिटर भएकोमा ८ बजे बढेर ४.३१ मिटर र ९ वजे थप बढेर ४.३५ मिटर पुगेको देखिएको छ । यहाँको बाढी मापन केन्द्रले कालीगण्डकीको सतर्कता तह ५ मिटरलाई मानेको छ । हालसम्म कालीगण्डकी नदीमा जलसतह सर्तकता तह मुनी नै रहेको देखिएको छ ।
‘मुस्ताङ्को मुक्तिनाथदेखी तल्लो क्षेत्रमा दिउँसोदेखी लगातार ठूलो वर्षा भैरहेको छ । खहरेहरु बढेर कालीगण्डकीलाई जित्ने भएका छन’ मुस्ताङ्की प्रमुख जिल्ला अधिकारी हिरादेवी पौडेलले भनिन, ‘तल्लो क्षेत्रमा सतर्क रहन आवश्यक छ ।’
जल तथा मौषम विभागको वेभसाईटले जोमसोम स्थित वर्षा मापन केन्द्रको देखाएको विवरणमा जोमसोम क्षेत्रमा पछिल्लो एक घन्टा (विहिवार साँझ ९ वेज)मा ३ं.६ मिलिमिटर पानी परेको छ । त्यसैगरी पछिल्लो ६ घन्टामा २३ मिलिमिटर वर्षा भएको हो । सामान्यतया छायाँ वृष्टी हुने मुस्ताङ्गमा परेको वर्षाको यो मापनले भारी वर्षालाई जनाउँछ ।