८ जनाकाे पाठेघरमा श‌कास्पद क्यान्सर

बेनी अस्पतालमा विहिवार गरिएकाे निशुल्क महिलाहरुकाे पाठेघर (VIA) परिक्षाणा गर्दा ८ जना महिलाकाे पाठेघरकाे मुखमा सम्भावित क्यान्सर देखिएकाे छ ।

गण्डकी प्रदेश सरकारको समन्वय र नेपाल टे«ड यूनियन महासंघ(जिफन्ट) बेनी नगर कमिटिको आयोजनामा भएकाे स्त्रीरोग सम्वन्धी शिविरमा २ सय ६५ जना महिलाकाे पाठेघरकाे परिक्षणा गरिएकाे थियाे ।

बेनी अस्पतालको ब्यवस्थापनमा आयोजित शिविरको उद्घाटन गर्दै गण्डकी प्रदेशकी सामाजिक विकास मन्त्री नरदेवी पुनले आमाहरु बचाउ अभियान अन्तरगत पाठेघर सम्वन्धी स्वास्थ्य शिविर राखिएको बताईन । उनले गरिव विपन्न परिवारका आमाहरुलाई पाठेघरमा क्यान्सर भएपछि उपचारमा ठुलो रकम खर्च हुने बताउदै विपन्न परिवार लगायतका आमाहरुको निशुल्क पाठेघर परिक्षण सेवाले जटिल अवस्थामा सिर्जना हुनबाट बचाउने बताईन ।

पाठेघरकाे मुखकाे क्यान्सर सम्बन्धी परिक्षाणमा वशेषज्ञ डा‌‍क्टरहरु नवराज वास्ताकाेटी, जीतेन्द्र कडेल, पवन र स्त्रीराेग वशेषज्ञ सजना मानन्धरले सम्लग्न थिए । पाठेघरकाे याे परिक्षणले कम्तिमा तीन वर्षपछिसम्म पनि पाठेघरमा क्यान्सर लाग्न सक्ने अवस्थाकाे पनी पत्ता लगाउने अस्पताल विकास समितिका अध्यक्ष वेलबहादुर कटुवालले बताए ।

सोही कार्यक्रममको अवसरमा मन्त्री पुनले अक्सिज उत्पादन केन्द्रको समेत उद्घाटन गरेकी थिईन।