म्याग्दी जेसिजको पद पदस्थापना

म्याग्दी जेसिजको सन २०२१ कालागी निर्वाचित विरेन्द्र श्रेष्ठले विधिवत नेतृत्व सम्हालेका छन ।
शनिवार बेनीमा आयोजित पदस्थापना कार्यक्रममा निर्वतमान अध्यक्ष सुजन बरुवालले जेसिज माला श्रेष्ठलाई पहिर्‍याएर जेसिजको म्याग्दी शाखा अध्यक्ष पदसमेत जिम्मेवारी शान्तिपुर्वक हस्तान्त्रण गरेका हुन ।

जेसिजको पद हस्तान्त्रण एवं सपथग्रहण कार्यक्रमको गण्डकी प्रदेशका सामाजिक विकास मन्त्री नरदेवी पुनले उद्घाटन गर्दै भनिन, ‘युवाहरुलाई सदमार्गमा लैजान, क्षमता बृद्धी गर्न र उद्यममा लाग्न जेसिज जस्ता संस्थाले पहल गर्नु पर्छ । युवाको विदेश पलायन रोक्न युवाहरुलाई मोटिभेसनल कक्षा संञ्चालन गर्न सामाजिक विकास मन्त्रालय सहकार्य गर्न तयार छ ।’
कार्यक्रम उद्घाटन लगत्तै निर्वतमान अध्यक्ष बरुवालले नवनिर्वाचित अध्यक्ष श्रेष्ठलाई पद तथा गोपनियताको सपथ खुवाएका थिए । अध्यक्ष श्रेष्ठसँग नवनिर्वाचित पदाधिकारीले सपथ ग्रहण गरे ।