चिर्पटले हानेर श्रीमतिको हत्या

मालिका गाउँपािलका, २ रुमका ओमबहादुर दर्जीले (४२)ले आईतवार राती अन्दाजी ९ बजे श्रीमति रिमा दर्जीको टाउकोमा चिर्पटले हानेर हत्या गरेका छन ।
प्रहरीका अनुसार मदिरा सेवनपछि पारिवारिक विवाद हुँदा ओमबहादुरल श्रीमतिको टाउकोमा चिर्पटले प्रहार गर्दा रिमाको घट्नास्थलमै मृत्यु भएको थियो । श्रीमतिको हत्यापछि घरमा एक्लै रहेका ओमबहादुरलाई प्रहरीले पक्राउ गरी अनुसन्धान थालेको तथा मृतकको शव पोष्ट मार्टमकालागी सदरमुकाम स्थित बेनी अस्पतालमा ल्याउँदै गरेको प्रहरीले जनाएको छ ।
छोराछोरी छिमेकीको घरमा गएको अवस्थामा घरमा श्रीमान–श्रीमति मात्र रहेको बेला हत्या गरेका थिए । छिमेकीको घरबाट छोराछोरी घरमा फर्कदा आमा मृत अवस्थामा फेला पारेपछि छिमेकीलाई खवर गरेका थिए ।
‘प्रहरीसँगको प्रारम्भीक वयानमा श्रीमति रिमाले अधिक मदिरा सेवनगरी घर झगडा गरिरहने, अभद्र ब्यवहार देखाउने, बाटैमा पल्टने समेतका हर्कत गर्दा विवाद भएको र रिसको आवेगमा चिर्पटले हान्दा मृत्यु भएको भनेको भनेका छन’ जिल्ला प्रहरी प्रमुख डिएसपी किरणजंग कुँवरले भने, ‘छोराछोरी छिमेकी/आफन्तको घरको घरमा श्रीमानश्रीमती मात्र रहेको अवस्थामा हत्या भएको छ । मदिरा नै मुख्य कारण देखिएको छ ।’