चार दिनदेखी अन्नपूर्णको प्रथममा दुई शेर्पा वेपत्ता

म्याग्दीको अन्नपूर्ण गाउँपालिका, ४ नारच्याङको शिरानमा अवस्थित अन्नपूर्ण प्रथम हिमाल आरोहणमा गएका सेभेन समिटका दुई जना शेपाहरु चार दिनदेखी वेपत्ता छन ।
अन्नपूर्ण हिमालको उत्तरी मोहडाबाट आरोहण सहयोगीको रुपमा निक्लेका सोलुखुम्बुका रिमा शेर्पा र निमाटासी शेर्पा गत सोमबार दिउँसो क्याम्प २ देखी केहीमाथी हिमपहिरोमा परी वेपत्ता भएका थिए ।
सेभेन समिट ट्रेक्सका प्रवन्ध निर्देशक थानेश्वर गुरागाईका अनुसार वेपत्ता शेर्पाहरुको प्रभु र कैलाशका दुई हेलिकोप्टर र ड्रोन समेत प्रयोगगरी खोजी कार्य भैरहेको भएपनि फेला पार्न सकिएको छैन । सेभेन समिटबाट आरोहणमा निक्लेका २ जना आरोहीलाई भने क्याम्प २ बाट हेलिकोप्टरबाट उद्धारगरी तल वेस क्याम्पमा ओरालिएको थियो ।
हिमपहिरोमा परि वेपत्ता भएका आरोहण सहयोगी शेर्पाहरुको खोजीमा जुटेका इन्द्रसिं शेरचनका अनुसार हिमपहिरोले आरोहणमा जान राखिएको भर्‍याई पहिरोले क्षतिग्रस्त बनाएकोले बाटो बनाउने काम पनि संग चलिरहेको छ ।
आरोहणको हिसावले सवैभन्दा कठिन, अधिक हिमपहिरो गैरहने र किलर माउण्टेनको रुपमा चिनिएको अन्नपूर्ण प्रथम हिमालमा सोमबार विहान ८–११ बजेको विचमा विभिन्न समुहका ३२ जनाले सफल आरोहण गरेका थिए ।
फान्सेली प्रर्वतारोही मौरिस हार्गोजले सन् १९५० जुन ३ मा संसारमा पहिलो पटक ८ हजार मिटर अग्लो अन्नपूर्ण प्रथम हिमाल आरोहण गर्दा प्रयोग गरेको उत्तरी मोहडा मार्ग नै हालसम्म अन्नपूर्ण प्रथम हिमाल आरोहणमा प्रयोग हुँदै आएको छ । उनै प्रथम अन्नपूर्ण आरोही हर्जोगले प्रयोग गरेको पदमार्गलाई सुधारसहित पूर्वाधार निर्माण, नक्साङ्कनसहित अन्नपूर्ण गाउँपालिकाले ‘मौरिस हर्गाज अन्नपूर्ण नर्थ पदमार्ग’ प्रर्वद्धन गरेको छ ।