FLASH NEWS
  • Loading...

स्ववियु पदस्थापनामा अध्यक्ष नै अनुपस्थित, प्रध्यापकहरुमाथी अभद्र ब्यवहार

  • पुनहिल डट कम
  • १ दिन अघि
  • २८२५ पटक पढिएको
स्ववियु पदस्थापनामा अध्यक्ष नै अनुपस्थित, प्रध्यापकहरुमाथी अभद्र ब्यवहार

म्याग्दी बहुमुखी क्याम्पसले गत चैत ५ गते निर्वाििचत स्वतन्त्र विद्यार्थी युनियनका पदाधिकारीको पदस्थापनामा अध्यक्ष नै अनुपस्थित भएका छन ।
स्ववियु निर्वाचनमा अध्यक्ष पदमा निर्वाचित नेवि संघका संगम चोखाल क्याम्पसले आयोजना गरेको पदस्थापना कार्यक्रममा लगातार तेस्रो पटक पनि अनुपस्थित भएपछि क्याम्पसले पदस्थापना गराएको थियो । पदस्थापना कार्यक्रममा अध्यक्ष अनुपस्थित भएपनि सचिव मन्जुर कटुवाल, कोषाध्यक्ष अस्मीता भण्डारी, सदस्यहरु अनेरास्ववियुका सफल खत्री ‘क’, सफल खत्री ‘ख’ एलिशा बरुवाल, नेवि संघका विशाल विक, सम्पर्ण जिसी, ढकबहादुर भणडारी, रेजिता भण्डारी, अजय मल्ल, रुपा सापकोटा र क्रान्तिकारीका शिवराम गौतम समेत पदाधिकारी र सदस्यहरु सहभागी थिए ।

तर पदस्थाफना कार्यक्रम सकिए लगत्तै अध्यक्ष चोखाल एक हुल नेवि संघका कार्यकर्तासहित कार्यत्रम स्थल पुगेर निर्वाचित सचिव अनेरास्ववियुका मञ्जुर कटुवाल, नेवि संघका विशाल विक र ढकबहादुर भणडारी माथी हातपात गर्नुको साथै क्याम्पसका प्रध्यापकहरुलाई अभद्र ब्यवहार गरेकाे म्याग्दी क्याम्पसले जनाएकाे छ ।
पदस्थापना कार्यक्रममा म्याग्दी बहुमुखी क्याम्पस संञ्चालक समितिका अध्यक्ष दिपेन्द्र श्रेष्ठ समेत वक्ताहरुले स्ववियु निर्वाचनमा मतदाताको मतको अध्यक्षले अवमुल्यङ्कन गरेको र अराजक प्रवृति देखाएको आरोप लगाए ।