FLASH NEWS
  • Loading...

म्याग्दीमा ३१ जना नयाँ क्षयरोगी भेटिए

  • पुनहिल डट कम
  • १ हप्ता अघि
  • १२७ पटक पढिएको
म्याग्दीमा ३१ जना नयाँ क्षयरोगी भेटिए

म्याग्दीमा चालु आर्थिक बर्षको ८ महिनामा ३१ जना नयाँ क्षयरोगका विरामी भेटिएका छन् ।
प्रदेश जनस्वास्थ्य कार्यालय म्याग्दीका अनुसार जिल्लाका विभिन्न स्थानीय तहमा गरिएको खकार परिक्षण तथा चेकजाँचबाट नयाँ क्षयरोगी भेटिएको हो ।
सोमबार सदरमुकाम बेनीमा आयोजना गरेको पत्रकार तथा सरोकारवलाहरुसंग अन्तरक्रिया कार्यक्रममा जिल्लाको बेनी नगरपालिकामा १७, अन्नपूर्णमा ६, मालिकामा २, रघुगंगामा ३, मंगलामा १ र धवलागिरीमा २ जना क्षयरोगका विरामी भेटिएको क्षयरोग फोकलपर्सन गणेश सुबेदीले बताए।
म्याग्दीमा बेनी अस्पताल, दरबाङ, ताकम, भुरुङ तातोपानी र शिख स्वास्थ्य चौकीमा खकार जाँचको ल्याब छ। जिल्लामा गत आवमा ४७ जना क्षयरोगका विरामी भेटिएका थिए ।
क्षयरोग माइकोब्याक्टेरियम ट्युबरक्लोसिस किटाणुबाट हावामार्फत सर्छ र फोक्सोमा असर गर्छ। जिल्लाका सबै स्वास्थ्य संस्थाबाट औषधि निःशुल्क उपलब्ध छ। तर, परीक्षणको दायरा बढाउन नसक्दा सङ्क्रमितको वास्तविक सङ्ख्या पहिचानमा समस्या छ। सङ्क्रमितको परिवारको खकार जाँच र प्रत्यक्ष निगरानीमा औषधि खुवाउने कार्य कमजोर छ।
बालबालिका र महिलामा सङ्क्रमणको जोखिम बढी छ। नियमित औषधि खानेको निको हुने दर ९३.२ प्रतिशत छ। वडास्तरमा प्रयोगशाला र जनशक्ति व्यवस्थापन गरेर खकार जाँच शिविर सञ्चालन गर्न सके सङ्क्रमित पहिचान सजिलो हुने जनस्वास्थ्यकर्मीको भनाइ छ।