FLASH NEWS
  • Loading...

म्याग्दी बहुमुखी क्याम्पसमा अध्यक्ष नेविसंघ विजयी

  • पुनहिल डट कम
  • २ हप्ता अघि
  • १७३ पटक पढिएको
म्याग्दी बहुमुखी क्याम्पसमा अध्यक्ष नेविसंघ विजयी

म्याग्दी बहुमुखी क्याम्पस स्वतन्त्र विद्यार्थी युनियनको अध्यक्षमा नेपाल विद्यार्थी संघका संगम चोखाल विजयी भएका छन । सचिवमा अनेरास्ववियुका मन्जुर कटुवाल र कोषाध्यक्षमा अस्मीता भण्डारी विजयी भएका छन ।
म्याग्दी क्याम्पस निर्वाचन समितिले राती तीन बजे सार्वजनिक गरेको मत परिणाम अनुसार अध्यक्षमा नेवि संघका चोखालले २ सय ८८ मत पाउँदा निकटतम प्रतिद्वन्द्वी अनेरास्ववियुका दिनेश खत्रीले १ सय ९२ मतले पछ्याए । अखिल क्रान्तिकारीका सन्दीप खत्रीले १ सय ७७ मतले पछ्रयाएका थिए ।
त्यस्तै सचिवमा अनेरास्ववियुका मन्जुर कटुवालले २ सय ८३ मत पाउँदा उनका निकटतम प्रतिद्वन्दी नेवि संघका प्रतिभा बानियाँले २ सय २७ र क्रान्तिकारीका कृष्ण सापकोटाले १ सय ४४ मत पाए । कोषाध्यक्षमा अनेरास्ववियुकी अस्मीता भण्डारीले २ सय ५२ मत पाईन । उनीकी निकटतम प्रतिद्वन्दी नेवि संघकी यशु खक्रीले २ सय ३५ मत र त्रान्तिकारीकी सुप्रेना खत्रीले १ सय ६२ मत पाईन ।
सदस्यमा प्रत्यक्ष तर्फ नेविसंघका विशाल विक, सम्पूर्ण जिसी, अनुपम श्रेष्ठ, ढकबहादुर भण्डारी तथा समानुपातिम तर्फ १ सिट जितेको छ । प्रत्यक्ष तर्फ अनेरास्ववियुका अविजित शाही र समानुपातिक तर्फ १ सदस्य जितेको छ । क्रान्तिकारीले समानुपातिक तर्फ सदस्यमा १ सीट जितेको छ ।
म्याग्दी क्याम्पस स्ववियु निर्वाचनमा कुल ८ सय २५ मतदाता मध्य ६ सय ८६ मत खसेको थियो ।