म्याग्दी क्याम्पसमा शान्तिपूर्ण मतदान सुरु

त्रिभवन विश्व विद्यालयबाट सम्बन्धन प्राप्त म्याग्दी बहुमुखी क्याम्पसमा विहान ८ बजेदेखी स्वतन्त्र विद्यार्थी युनियनको निर्वाचनको मतदान सुरु भएको छ ।
म्याग्दी क्याम्पस स्वतन्त्र विद्यार्थी युनियनको निर्वाचनमा सत्तारुढ एमाले आवद्ध अखिल नेपाल स्वतन्त्र विद्यार्थी युनियन (अनेरास्ववियु), काँग्रेस आवद्ध नेपाल विद्यार्थी संघ र प्रमुख प्रतिपक्षी दल माओवादी केन्द्र निकट अनेरास्ववियू (क्रान्तिकारी) विच प्रतिस्पर्धा छ ।
निर्वाचन समितिका सदस्य नारायण सुवेदीका अनुसार स्ववियु निर्वाचनमा ८ सय २५ जना विद्यार्थी/मतदाताले विद्यार्थी नेता चयन गर्दै छन । म्याग्दी क्यााम्पसमा अनेरास्ववियु आफ्नो पुरानो विरासत जोगाउन लागी परेको छ भने नेविसंघ र क्रान्तिकारी भने अनेरास्ववियुको विरासत भत्काउन आ–आफ्नो प्यानलबाट लागीपरेका छन ।
स्ववियु निर्वाचन क्याम्पसमा अध्ययनरत विद्यार्थीहरुको भएपनि जिल्लामा प्रमुख दलहरु विच प्रतिष्ठाको विषयको रुपमा लिएर दलका नेताहरु नै क्याम्पसको गेट बाहिर विद्यार्थी उम्मेदवारहरुको कार्ड भिरेर मत माग्दै गरेका देखिन्छन ।