क्षत्री समाज म्याग्दीको १६औं वार्षिक साधारणसभा सम्पन्न

‘राष्ट्रिय अखण्डता र जातीय सद्भावका निम्ती क्षत्री एकता, आजको आवश्यकता’ भन्ने मूल नारासहित क्षत्री समाज नेपाल जिल्ला कार्यसमिति म्याग्दीको १६औं वार्षिक साधारणसभा सम्पन्न भएको छ ।
शनिवार समाजको भवनमा साधारणसभाको साथमा स्वागत, सम्मान र बधाई कार्यक्रम गरिएको हो । साधारण सभाकाे क्षत्री समाजका केन्द्रीय सदस्य एवं पुर्व अध्यक्ष अमृतदेवी बानियाँले एक समाराेह विच उद्घाटन गरेकी थिइन ।

साधारणसभामा समाजका अध्यक्ष लक्ष्मीकुमारी केसीले संस्थागत, सचिव हिमबहादुर भण्डारीले प्रगति र कोषाध्यक्ष यामबहादुर बानियाँले आर्थिक प्रतिवेदन अनुमाेदन गरेकाे छ । कार्यक्रमको अवसरमा क्षत्री समाजको आजीवन सदस्यता वितरण गर्नुका साथै जिल्लास्थित पत्रकार महासंघ, म्याग्दी जेसीज, सञ्चारिका समूहलगायत विभिन्न संघसंस्थामा निर्वाचित क्षत्री बन्धुहरुलाई क्षत्री पोशाक ढाका टोपी र सल ओढाएर सम्मान गरिएको थियो ।
कार्यक्रम क्षत्री समाज म्याग्दीका अध्यक्ष लक्ष्मी केसीको अध्यक्षता, सचिव हिमबहादुर भण्डारीको सञ्चालन र महिला समाजका अध्यक्ष सन्जु बरुवालको स्वागतमा सम्पन्न भएको थियो । वि.सं. २०६३ सालमा स्थापना भएको क्षत्री समाज म्याग्दीले संस्थागत विकाससहित विगतमा हक, अधिकार तथा जातीय सद्भावका लागि विभिन्न आन्दोलन र क्षत्रीहरुको उत्थानमा आवश्यक सहयोग गर्दै आइरहेको जनाएको छ ।