म्याग्दीका लक्षित सवै किसोरीले लगाए एचपीभी खोप

म्याग्दीका सवै लक्षित कक्षा ६–१० सम्म अध्ययनरत र विद्यालय पहुँच वाहिरका १०–१४ बर्ष उमेर समुहका सतप्रतिशत किसोरीहरुले एचपीभी नामक भाईरस विरुद्धको खोप लगाएका छन ।
प्रदेश जनश्वास्थ्य कार्यालय म्याग्दीले उपलब्ध गराएको तथ्याङ्क अनुसार माघ २२ देखी २९ गतेसम्म संञ्चालन गरिएको अभियानमा अन्नपूर्ण गाउँपालिकाका ३ सय ९७ जना, रघुगंगा गाउँपालिकामा ५ सय २ जना, धवलागिरी गापामा ६ सय ७ जना, मालिका गापामा ८ सय ६ जना, मंगला गापाका ५ सय ७२ जना र बेनी नगरपालिका भित्रका १ हजार ९ सय १० जनागरी ४ हजार ७ सय ९४ जना किसोरीहरुले एचपीभी नामक भाईरस विरुद्धको खोप पाएका हुन ।

कार्यालयका जनश्वास्थ्य अधिकृत राजेन्द्र सापकोटाले खोप पाउनेमध्य बेनी नगरपालिकामा एक जना किसोरी सामान्य विरामी परेकी बाहेक जिल्लाभर खोप अभियान सहज र सफलरुपमा सम्पन्न भएको छ ।
प्रदेश जनश्वास्थ्य कार्यालय म्याग्दीका तथ्याङ्क अनुसार चालु आवको पुस मसान्तसम्म जिल्लाका ६ सय ४४ जना महिलाको पाठेघरको मुखको एचपीभी स्क्रीनिङ गर्दा ३६ जनामा एचपीभी संक्रमण भेटिएको थियो । यीमध्य ४ जनालाइ पाठेघरको मुखको क्यान्सर भैसकेको भेटिएको थियो । श्वास्थ्य कार्यालय प्रमुख ठकुराठीका अनुसार गत आवमा २८ जनामा एचपीभी भाईरस संक्रमण भेटिएकोमा १६ जनामा पाठेघरको मुखको क्यान्सर भैसकेको भेटिएको थियो ।