मिलन म्याग्दीले मनायो रजत जयन्ती

गैरसरकारी संस्था मिलन म्याग्दीले आफ्नो २५ वर्ष पुरा गरेकाे अवसरमा रजत जयन्त विविध कार्यक्रमसहित मनाएको छ।
रजत जयन्ती उत्सवकाे अवसरमा साेमबार अायाेजित विशेष स्मारिका ०८१ विमाेचन तथा शुभकामना कार्यक्रमकाे बेनी नगरपालिकाका प्रमुख सुरत केसीले एक समाराेह विच उद्घाटन गरे । संस्थाले रजत जयन्तीकाे अवसरमा बेनी नगरपालिका–५ पुलाचौरस्थित जनकल्याण माविका तीन जना विपन्न विद्यार्थीलाई जनही ५ हजार रुपैयाँ आर्थिक सहयोग प्रदान गरेकाे जनाएकाे छ ।

०५६ साल माघ १० गते जिल्ला प्रशासन कार्यालय म्याग्दीमा विधिवत दर्ता भएकाे संस्थाकाे संस्थापक अध्यक्ष दुर्गा कार्की बानिया हुन । मिलन म्याग्दीले झोलुङ्गे पुल निर्माणका साथै वन, वातावरण तथा जलवायु परिवर्तन, वैकल्पिक ऊर्जा प्रवद्र्धन, सुधारिएको चुलो निर्माण, सुरक्षित मातृत्व, पोषण तथा स्वास्थ्य, लैङ्गिक समानता, जिविकोपार्जन, सचेतना, कृषि तथा पशुपालन, राष्ट्रपति महिला उत्थान कार्यक्रमअन्तर्गत सीपमूलक तालिम, युवा स्वरोजगार, जलवायु परिवर्तन तथा जैविक विविधता सम्बन्धी सचेतना कार्यक्रम सञ्चालन गर्दै आइरहेको छ।
संस्थाले आईडी नेपालसँगको सहकार्यमा एफएचएन-आईएल कार्यक्रम सञ्चालन गरिरहेको संस्थाकी अध्यक्ष दिलमाया बिटालुले बताइन ।