खत्रीलाई त्रिभुवन–अनिल स्मृति पत्रकारिता पुरस्कार

म्याग्दीका पत्रकार कमल खत्रीले प्रेस सेन्टर गण्डकी प्रदेश समितिले स्व. त्रिभुवन–अनिल स्मृति पत्रकारिता पुरस्कार प्राप्त गरेका छन । खत्री म्याग्दी अनलाइनका सम्पादक हुन ।
प्रेस सेन्टर गण्डकी प्रदेश समितिको पोखरामा सम्पन्न तेस्रो अधिवेशनमा खत्री र गोरखाका अस्मिता सिम्खडालाई पुरस्कृत तथा दिवंगत चार जना पत्रकारका परिवारलाई मरणोप्रान्त सम्मान प्रदान गरिएको थिये ।
२०७९ माघ १ गते पोखरामा जहाज दुर्घटनामा दिवंगत भएका प्रेस सेन्टर नेपालका उपाध्यक्ष त्रिभुवन पौडेल र पोखरा महानगर सदस्य अनिल शाहीको स्मृतिमा स्थापित त्रिुभवन–अनिल स्मृति पुरस्कार खत्रीलाई पहिलो पटक प्रदान गरिएको हो ।
यसैगरी कोरोनाबाट दिवंगत गणेश पौडेल र डेंगी संक्रमणबाट दिवंगत प्रेस सेन्टर लमजुङकी सचिव चादनी अधिकारीको स्मृतिमा स्थापित गणेश–चादनी स्मृति पुरस्कार सिम्खडालाई प्रदान गरिएको हो । पुरस्कारको राशी रु. पाँच÷पाँच हजार रहेको छ ।